Европа футболида Кваратскҳелиа фамилияси Кҳвичанинг Наполи ва Парис Саинт-Гермаин сафидаги муваффақиятлари туфайли яхши танилган бўлса, эндиликда унинг укаси Торнике Кваратскҳелиа ҳам катта эътибор марказига тушмоқда. 16 ёшли ҳужумчи Германиянинг Бавария клуби нишонига айланди. Бу ҳақда Goal.com хабар беради.
LaGazzetta.ge хабарига кўра, ёш иқтидор эгаси аллақачон Мюнхенга ташриф буюриб, клуб раҳбарияти билан учрашган. Ушбу ташриф танишув характерига эга бўлиб, немис клуби ўз лойиҳасини футболчига тақдим этиш ва уни бошқа рақобатчилардан олдинроқ ўз сафига қўшиб олишни мақсад қилган.
Торнике яқиндагина Динамо Тбилиси асосий таркибига жалб этилиб, Эровнули Лига доирасидаги Динамо Батуми билан баҳсда қайдномадан ўрин олган эди. Мазкур ўйин якунланиши билан ёш футболчи Германияга йўл олди.
Бавария Шарқий Европадаги скаутлик фаолиятини кучайтирмоқда ва Торнике клуб ёшлар академияси учун асосий мақсад сифатида кўрилмоқда. Айни дамда унинг акаси Кҳвича Чемпионлар лигаси баҳсларига тайёргарлик кўраётган бўлса, Торнике ўзининг катта футбол сари илк қадамларини ташламоқда.
“Zamin”ни Telegram'да ўқинг!
