Мишель Платини 2015 йилда УЕФА президентлигига бўладиган янги сайловда ягона номзод бўлади. Бу ҳақида ташкилотнинг расмий сайти хабар қилди.

Сайлов 24 март куни Вена шаҳридаги конгрессда бўлиб ўтказилади. Платини сайловда кераклича овоз тўплайдиган бўлса, бу унинг учинчи президентлик муддати бўлади.

Франциялик мутасадди 2007 йилда Леннарт Йоханссон ўрнига УЕФА президенти этиб сайланганди. 2011 йил эса у 53та овоз билан иккинчи муддатга ҳам сайланган. Ўшанда ҳам Платинидан бошқа номзод йўқ эди.

Манба: uff.uz