Ўзбекистон интернет тезлиги бўйича жаҳон рейтингида юқори ўринларга кўтарилди

Ўзбекистонда интернет инфратузилмасини яхшилашга қаратилган саъй-ҳаракатлар ўз самарасини бермоқда. Жаҳондаги энг нуфузли интернет тезлигини баҳолаш рейтинги бўлган Speedtest Global Index'га кўра, Ўзбекистон охирги беш йил ичида сезиларли даражада юқори натижаларга эришган.

Хусусан, 2020 йилда ушбу рейтингда 133-ўринни эгаллаган Ўзбекистон 2025 йил январь ойига келиб 68-ўринга кўтарилган. Бу эса мамлакат интернет тезлиги бўйича 65 поғона юқорилаганини кўрсатади.

Бу муваффақият мамлакатда амалга оширилаётган рақамли иқтисодиётга ўтиш ва замонавий технологияларни кенг жорий қилишга қаратилган ислоҳотлар натижаси сифатида баҳоланмоқда.

Маълумот учун: Ookla ташкилоти 2006 йилда ташкил этилган бўлиб, бутун дунё бўйича интернет тезлигини ўлчаш ва таҳлил қилиш билан шуғулланади. Унинг Speedtest платформаси фойдаланувчиларга ўз интернет тезлигини текшириш имконини беради ва ҳар ойда Speedtest Global Index рейтинги янгиланиб туради.

Ўзбекистон Интернет тезлиги Жаҳон рейтинги Юқори ўрин Speedtest Янгиликлар