Samsung компанияси 2026-йилнинг май ойи учун мўлжалланган хавфсизлик янгиланишларини тарқатишни бошлади. Дастлаб ўрта нарх сегментидаги Galaxy А-серияси вакиллари учун тақдим этилган ушбу янгиланиш, эндиликда Galaxy С-серияси ва ХКовер моделлари учун ҳам очиқ бўлмоқда. Бу ҳақда Ixbt.com хабар беради.
Янги дастурий таъминотни текшириш учун фойдаланувчилар ўз смартфонларида «Созламалар» (Сеттингс) бўлимига кириб, «Дастурий таъминотни янгилаш» (Софтваре упдате) банди орқали «Юклаб олиш ва ўрнатиш» тугмасини босишлари кифоя. Ҳозирча янгиланиш босқичма-босқич тарқатилмоқда, шу сабабли яқин кунларда рўйхат янада кенгайиши кутилмоқда.
Samsung расмий саҳифасида келтирилган маълумотларга кўра, май ойи учун мўлжалланган ушбу янгиланиш жами 37 та хавфсизлик заифлигини бартараф этади. Улардан 30 таси Google томонидан тақдим этилган бўлиб, уларнинг иккитаси критик даражадаги хавфларни ўз ичига олади.
Шунингдек, янгиланиш таркибида Samsung қурилмаларига хос бўлган еттита махсус хавфсизлик тузатиши (СВE) ҳам мавжуд. Ушбу чоралар смартфонларнинг ҳимоя тизимини янада мустаҳкамлаш ва фойдаланувчилар маълумотлари хавфсизлигини таъминлашга қаратилган.
“Zamin”ни Telegram'да ўқинг!
