Россия тезкор поездларида сунъий йўлдош интернети жорий этилади
Россиянинг «Сапсан» ва «Ласточка» йўловчи поездларида сунъий йўлдош интернетини жорий этиш лойиҳаси амалий тайёргарлик босқичига ўтди. «Бюро 1440» компанияси ва Россия темир йўллари ҳамкорлигида амалга оширилаётган мазкур лойиҳа доирасида жами 135 та поезд жиҳозланиши режалаштирилган. Янги технология Москва — Санкт-Петербург, Москва — Нижний Новгород, Краснодар — Сочи ва Москва — Минск каби йўналишларда фойдаланишга топширилади.
Россиянинг «Сапсан» ва «Ласточка» тезкор поездларида сунъий йўлдош интернетини йўлга қўйиш режалаштирилмоқда. Лойиҳа «Бюро 1440» компанияси томонидан Россия темир йўллари билан ҳамкорликда амалга оширилмоқда ва ҳозирда амалий тайёргарлик босқичига ўтган. Бу ҳақда Ixbt.com хабар беради.
Янги технология паст орбитадаги сунъий йўлдошларга асосланган бўлиб, у юқори тезликда ҳаракатланаётган поездларда ҳам барқарор ва паст кечикишли интернет алоқасини таъминлаши кутилмоқда. Maxсус лаборатория вагонларида ўтказилган синовлар ускунанинг тебраниш ва турли об-ҳаво шароитларида самарали ишлашини тасдиқлади.
«Икс холдинг» ва «Бюро 1440» бош директори Алексей Шелобковнинг сўзларига кўра, лойиҳа доирасида жами 135 та поезд жиҳозланади. Интернет Москва — Санкт-Петербург, Москва — Нижний Новгород, Краснодар — Сочи ва Москва — Минск каби машҳур йўналишларда фойдаланишга топширилади.
2026-йил охирига қадар йўловчи поездларида кенг полосали маълумотлар узатиш тизимини синовдан ўтказиш режалаштирилган. Келгусида ушбу тизим поездларнинг конструкцияси ва рақамли инфратузилмасига тўлиқ интеграция қилинади. Мутахассислар ушбу тизимни SpaceX компаниясининг Starlink лойиҳасидан фарқли ўлароқ, ўзига хос ечим эканлигини таъкидлашмоқда.
Изоҳлар 0
…