Хавфсизликка йўналтирилган ОпенКлав муқобили — НаноКлав лойиҳасини ишлаб чиққан НаноКо компанияси ўзининг илк уруғ (сеед) инвестиция раундида 12 миллион доллар маблағ жалб қилди. Мазкур молиялаштириш босқичига Валлей Капитал Партнерс бошчилик қилди, шунингдек, Доккер, Vercel, Monday.com, Слов Вентурес ҳамда Hugging Face бош директори Клем Делангуе каби йирик инвесторлар иштирок этди. Бу ҳақда Techcrunch.com хабар беради.
Лойиҳа асосчиси Гавриел Коҳеннинг сўзларига кўра, НаноКлав бир неча ҳафта ичида кутилмаган машҳурликка эришган. Дастлабки кодлар ёзилганидан сўнг олти ҳафта ўтмай, Андреж Карпатҳй ва Сингапур ташқи ишлар вазири каби нуфузли шахслар лойиҳани юқори баҳолаган. Бу эса ўз навбатида ўнлаб инвесторларнинг қизиқишига ва ҳатто 20 миллион долларлик сотиб олиш таклифига сабаб бўлган, бироқ ака-ука Коҳенлар ушбу таклифни рад этишган.
НаноКлав лойиҳасига бўлган қизиқиш айниқса Андреж Карпатҳй ўзининг Х саҳифасида ижобий фикр билдиргандан сўнг кескин ошиб кетди. Кейинчалик Сингапур ташқи ишлар вазири Facebook тармоғида НаноКлав дастурини ўзининг "иккинчи мияси" деб аташи лойиҳанинг янада оммалашишига туртки бўлди. Ҳозирда кўплаб технологик раҳбарлар ва стартап асосчилари лойиҳага сармоя киритиш истагини билдирмоқда.
НаноКлав дастлаб ОпенКлав тизимининг хавфсизроқ муқобили сифатида яратилган эди. У компьютернинг барча ресурсларига тўғридан-тўғри кириш ўрнига, махсус контейнер ичида (сандбохед) ишлайди. Бу усул сунъий интеллект агентларини хавфсиз ишга туширишда замонавий ва ишончли ечимга айланиб бормоқда.
“Zamin”ни Telegram'да ўқинг!
