Xiaomi компанияси Поко бренди остида янги ҳамёнбоп планшетини намойиш этди. Поко Пад К1 деб номланган ушбу қурилма компаниянинг расмий глобал сайтида пайдо бўлди ва у халқаро бозор учун мўлжалланган. Бу ҳақда Ixbt.com хабар беради.
Планшет 9,7 дюймли, 2К (2048 х 1280 пиксел) аниқликдаги ИПС-дисплей билан жиҳозланган бўлиб, тасвир янгиланиш частотаси 120 Hz ни ташкил этади. Поко Пад К1 металл корпусга эга, унинг қалинлиги 7,4 мм, вазни эса тахминан 406 граммга тенг. Қурилма кундалик медиа-контент истеъмоли ва ўқиш учун етарлича ихчам қилиб ишланган.
Қурилманинг унумдорлиги учун Qualcomm Snapdragon 6с 4G Ген 2 чипи жавоб беради. У 6 GB гача тезкор хотира ва 128 GB гача доимий хотира билан таъминланган. Шунингдек, микроСД карталари ёрдамида хотирани 2 TB гача кенгайтириш имконияти мавжуд.
Планшет 4G тармоғини қўллаб-қувватлайди, иккита динамик ва 3,5 мм қулоқчин уяси билан жиҳозланган. Аккумулятор сиғими 7600 мАс бўлиб, 18 В қувватланиш технологиясига эга. Камералар борасида 8 MP асосий ва 5 MP олд камера ўрнатилган.
Дастурий таъминот сифатида HyperOS 3 тизими танланган. Поко Пад К1 кўк ва кулранг рангларда сотувга чиқади. Нархларга келсак, 4/64 GB версияси илк харидорлар учун 140 доллар, 6/128 GB талқини эса 180 доллар этиб белгиланган.
“Zamin”ни Telegram'да ўқинг!
