SpaceX оммавий компанияга айланишга тайёргарлик кўраётган бир пайтда, унинг С-1 ҳужжатларидаги маълумотлар Elon Musk компания устидан мутлақ назоратга эга эканлигини яна бир бор тасдиқлади. Энг ҳайратланарли жиҳати шундаки, агар Марсда бир миллион киши яшай бошласа, Муск қўшимча бир миллиард дона акцияга эга бўлади. Гарчи бу шарт илмий-фантастикадек туюлса-да, Муск ҳозирнинг ўзида ушбу акциялар бўйича овоз бериш ҳуқуқига эга. Бу ҳақда Techcrunch.com хабар беради.
Ҳозирда Elon Musk компаниянинг энг йирик акциядори ҳисобланади. У 850 миллионга яқин А тоифасидаги (ҳар бири 1 овозга эга) ва қарийб 5,6 миллиард дона Б тоифасидаги (ҳар бири 10 овозга эга) акцияларга эгалик қилади. SpaceX ИПО жараёнида қанча акция сотувга қўйилиши ҳозирча аниқ эмас, бироқ бозор мутахассислари ушбу листинг орқали 75 миллиард доллар маблағ йиғилишини ва компания қиймати 1,7 триллион долларга етишини тахмин қилмоқда.
Бундай улкан қиймат шароитида ҳатто 1 фоизлик улуш ҳам 17 миллиард долларга тенг бўлади. Мускдан ташқари, ушбу жараёндан энг кўп фойда кўрадиган шахслар қаторида инвестор ва директорлар кенгаши аъзоси Антонио Грасиас ҳам бор. У 503,4 миллиондан ортиқ акцияга эгалик қилади. Грасиас узоқ йиллардан бери Мускнинг яқин дўсти ва молиявий ҳамкори бўлиб келмоқда.
Антонио Грасиас нафақат SpaceX, балки Tesla, Солар Ситй, Неуралинк ва Тҳе Боринг Компани каби лойиҳаларда ҳам Мускни қўллаб-қувватлаган. Шунингдек, у 2025-йил бошида Мускнинг OpenAI компаниясини 97 миллиард долларга сотиб олишга бўлган муваффақиятсиз уринишини молиялаштиришга рози бўлган инвесторлар гуруҳига кирган эди. SpaceX ИПЎси амалга ошса, ушбу шахслар дунёнинг энг бой одамлари рўйхатида ўз мавқеларини янада мустаҳкамлайди.
“Zamin”ни Telegram'да ўқинг!
