Huawei компанияси Nova туркумининг 10 йиллик юбилейи муносабати билан ушбу сериянинг махсус нашрини намойиш этди. Стандарт модификациялардан ташқари, бренд совға тўплами кўринишида тарқатиладиган чекланган миқдордаги қурилмани ҳам тақдим қилди. Бу ҳақда Ixbt.com хабар беради.
Юбилей тўпламининг асосий элементи Nova 16 Сериес Стар Эхклусиве Гифт бўлиб, унинг таркибига стикерлар, фотокарточкалар, музлаткич учун магнитлар, термос, ғилоф, брелок ва махсус албом киритилган. Таъкидлаш жоизки, ғилоф дизайни серия элчилари ҳисобланган ТНТ (Теенс ин Times) мусиқий гуруҳи аъзолари томонидан ишлаб чиқилган.
Смартфоннинг юбилей версияси ташқи кўринишидан стандарт Nova 16 моделларидан фарқ қилмайди. У ёрқин мовий рангда ишланган бўлиб, орқа панелида қўшалоқ камера модули жойлашган. Техник жиҳатдан қурилма ўз туркумидаги энг сўнгги ютуқларни ўзида мужассам этган.
Ушбу эксклюзив тўпламни фақатгина расмий дўконларда Nova 16 Pro ва Ultra моделларига олдиндан буюртма бериш орқали қўлга киритиш мумкин. Совғалар сони чекланган бўлиб, улар "биринчи келганга — биринчи хизмат" тамойили асосида тарқатилади.
Эслатиб ўтамиз, Huawei компанияси Nova 16 серияси учун буюртмалар қабул қилишни бошлаган ва расмий сотув санасини 2026-йил 1-июн деб белгилаган. Мазкур линиядан Nova 16з, Nova 16, Nova 16 Pro ва Nova 16 Ultra каби тўртта модел ўрин олган.
“Zamin”ни Telegram'да ўқинг!
