С. П. Королёв номидаги “Энергия” ракета-космик корпорацияси мутахассислари 2025-йил давомида бўлажак Ой базасининг шлюз бўлмаси ва асосий элементлари учун турли лойиҳа кўринишларини тайёрладилар. Бу ҳақда корпорациянинг йиллик ҳисоботида маълум қилинган. Бу ҳақда Ixbt.com хабар беради.
Ҳисоботга кўра, жорий йилда Ойга мўлжалланган бошқариладиган космик аппаратларнинг таркибий қисмларини яратиш бўйича илмий-техник база шакллантирилган. Мутахассислар шлюз бўлмасининг конструктив вариантлари ва базанинг бошқа муҳим қисмлари бўйича ўз таклифларини тақдим этишган.
“Энергия” корпорацияси Россиянинг етакчи ракета-космик корхонаси бўлиб, у мамлакатдаги барча бошқариладиган космик кемаларнинг асосий ишлаб чиқувчиси ҳисобланади. Сергей Королёв асос солган афсонавий ОКБнинг бевосита вориси сифатида ушбу корпорация ўн йиллар давомида “Союз” ва “Proгресс” кемаларини яратиб келмоқда.
Шунингдек, корпорация “Салют” ва “Мир” орбитал станциялари, Халқаро космик станциянинг Россия сегменти ҳамда СССР ва Россия тарихидаги энг муҳим космик лойиҳаларнинг асосчиси саналади. Эндиликда ушбу тажриба Ой дастурини амалга оширишга йўналтирилмоқда.
“Zamin”ни Telegram'да ўқинг!
