23:54 / 22.10.2015
34 730

Ravon Nexia narxlari e’lon qilindi

Ravon Nexia narxlari e’lon qilindi
Eslatib o‘tamiz: Daewoo markasi o‘rnini Ravon brendi egallab Rossiya poytaxtida yangi markaning taqdimoti bo‘lib o‘tgan edi. Ravon Nexia R3 modeli Chevrolet Aveo birinchi avlodining qiyofasi o‘zgarganidir, yangi sedan xetchbekdan o‘zlashtirilgan old qismi bilan farq qiladi. Yangi Neksiyaning narxi 379 mingdan 529 ming rublgacha, deb xabar bermoqda Carzone.uz sayti.

Mashina gabaritlari: uzunligi – 4330 mm, kengligi – 1690 mm, balandligi – 1505 mm, g‘ildiraklar bazasi – 2480 mm. Avtomobil boshlang‘ich komplektasiyasida gidrokuchaytirgich va kondisioner yo‘q. Yukxonasi salondan ochiladi, tumanga qarshi faralari va orqa chirog‘i, 14 dyuymli g‘ildirak disklari bor. Optimum versiyasidan boshlab bitta o‘t oldirgich kaliti va eshiklar qulfi mavjud. Elegant komplektasiyasida esa rul gidrokuchaytirgichi, yukxonani yorituvchi chiroqcha, yagona o‘t oldirish kaliti va eshiklar qulfi, kondisioner, Clarion CD/MP3 avtomagnitolasi, USB ulagich, 4 kolonka hamda bamper kuzov rangiga bo‘yalgan bo‘ladi.

100 km/s tezlikka erishishi uchun 11,9 soniya talab qilinadi, 100 kmga shahar ichkarisida yonilg‘i sarfi 7,7-8 l.

Ravon boshqa avtomobillari narxini ham ma’lum qilgan: Matiz 314 000 rubl va Gentra 439 000 rubl.

Jihozlanish darajasidan qat’i nazar yangi Neksiya Rossiya bozorida eng hammabop avtomobillardan biri bo‘lishi kutilmoqda.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Avto » Ravon Nexia narxlari e’lon qilindi
[/banner_pushhouse