Shavkat Mirziyoev Eron prezidenti Mas'ud Pezeshkiyon bilan uchrashuv oʻtkazdi

Ashxobod shahridagi xalqaro forum doirasida Shavkat Mirziyoev Eron prezidenti Mas'ud Pezeshkiyon bilan uchrashuv oʻtkazdi. Bu haqda Prezident matbuot xizmati xabar berdi.

^{Foto: Prezident matbuot xizmati}
Oʻzbekiston bilan Eron oʻrtasidagi koʻp qirrali munosabatlarni yanada rivojlantirishning dolzarb masalalari muhokama qilindi.

^{Foto: Prezident matbuot xizmati}
Turli darajadagi faol aloqalar va samarali almashinuvlar davom etayotgani mamnuniyat bilan qayd etildi. Tovar ayirboshlash hajmi va qoʻshma korxonalar soni ortib bormoqda.

^{Foto: Prezident matbuot xizmati}
Davlat rahbarlari kooperatsiya loyihalarini qoʻllab-quvvatlash va tezkor amalga oshirish, Imtiyozli savdo bitimi doirasidagi mahsulotlar roʻyxatini kengaytirish muhimligini ta'kidladi.

^{Foto: Prezident matbuot xizmati}
Oʻzbekiston va Eron yetakchilari xalqaro va mintaqaviy kun tartibi yuzasidan ham fikr almashdilar. “Zamin”ni Telegramʻda oʻqing!