AQSh saylangan prezidenti Donald Tramp lavozimga kirishgach, federal darajada oʻlim jazosini tiklamoqchi, deb xabar berdi Reuters yangi ma'muriyat vakillariga tayanib.
Jo Bayden davrida qatllarga federal moratoriy joriy qilingan va 2021 yil iyul oyida bosh prokuror Merrik Garland tomonidan e'lon qilingan edi. Tramp saylovoldi tashviqoti vaqtida moratoriyni prezidentlik faoliyatining birinchi kunidayoq bekor qilishini aytdi.
Trampning birinchi muddatidan oldin (2017 yil yanvar - 2021 yil yanvar) federal hukumatlar kamdan-kam hollarda oʻlim jazosini amalga oshirgan. 2003 yildan 2020 yilgacha e'lon qilinmagan moratoriy bor edi. 2020 yilda federal hukumat 10 kishini (1896 yildan beri eng koʻp) qatl qildi, bu barcha shtatlarni jamlagandan koʻp.
AQSh Konstitutsiyasiga koʻra, har bir shtat oʻz jinoyat huquqiga ega. Yigirma uchta shtat va Vashington (Kolumbiya okrugi) oʻlim jazosini bekor qildi. Yigirma etti shtat oʻlim jazosini qoʻllashda davom etmoqda, ammo soʻnggi besh yil ichida faqat 13 tasida qatl amalga oshirildi, jumladan Texas, Yuta, Janubiy Karolina, Alabama, Arkanzas, Florida va Jorjiya. Kaliforniya, Pensilvaniya, Oregon, Arizona, Ohayo va Tennessi shtatlarida qatlga moratoriy joriy qilingan.
2024 yil dekabr oyida Bayden oʻlim jazosiga hukm qilingan 37 mahbusning jazosini almashtirdi. Ularning oʻlim jazosi shartli ravishda ozod qilish imkoniyatisiz umrbod qamoq jazosi bilan almashtirildi. Tramp jamoasi Baydenning «dunyodagi eng yomon qotillar» bilan kurashish usulini qoraladi va respublikachining oʻzi Oq uyga qaytib kelgach, Adliya vazirligidan «amerikalik oilalarni shafqatsizlardan himoya qilish uchun oʻlim jazosini qat'iy talab qilishini aytdi». “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
