Isroil mudofaa kuchlari (Israel Defense Forces) tomonidan ma’lum qilinishicha, Isroil armiyasi Eronga qarshi olib borilayotgan «Arslon nidosi» operatsiyasi doirasida taxminan 100 ming nafar zaxirachi harbiy xizmatchilarni safarbar etishga tayyorgarlik ko‘rmoqda.
Manbalarga ko‘ra, zaxirachilarni chaqirish va qabul qilish jarayoni bir vaqtning o‘zida emas, balki bosqichma-bosqich amalga oshirilishi rejalashtirilgan. Bu orqali harbiy qismlar tarkibini to‘ldirish, qo‘shinlarning jangga shayligini oshirish va ehtimoliy keng ko‘lamli operatsiyalarga tayyorgarlik darajasini yuqori bosqichga olib chiqish ko‘zda tutilmoqda.
Shu bilan birga, ushbu harbiy harakatlarning aniq maqsadlari, qamrovi hamda amal qilish muddati yuzasidan rasmiy idoralar hozircha qo‘shimcha tafsilotlarni oshkor qilgani yo‘q.
Ayni paytda vaziyatga oid qo‘shimcha ma’lumotlar kutilayotgani, rasmiy bayonotlar esa yaqin soatlar ichida e’lon qilinishi mumkinligi xabar qilinmoqda.
“Zamin”ni Telegramʻda oʻqing!
