Fransiyani kuydirgan anomal issiq o‘limlarga sabab bo‘ldi

1 daqiqa o'qish1.5K
Fransiyani kuydirgan anomal issiq o‘limlarga sabab bo‘ldi

Fransiyada kuzatilayotgan keskin issiq havo oqibatida kamida yetti kishi halok bo‘ldi. Mamlakatning bir qator hududlarida harorat may oyi uchun rekord darajaga yetib, aholi salomatligiga jiddiy ta’sir ko‘rsatmoqda.

OAV ma’lumotlariga ko‘ra, qurbonlarning besh nafari suvda cho‘kib ketgan bo‘lsa, yana ikki kishi ochiq havoda tashkil etilgan sport tadbirlari paytida vafot etgan. Shuningdek, o‘nlab fuqarolar sog‘lig‘i yomonlashgani sabab shifoxonalarga olib ketilgan. Ayrim bemorlarning ahvoli og‘ir ekani aytilmoqda.

Météo-France ma’lumotiga ko‘ra, mamlakat janubi-g‘arbidagi ayrim hududlarda havo harorati 37 darajadan oshib ketgan. Bu esa Fransiyada kuzatuvlar tarixidagi eng issiq may kunlaridan biri sifatida qayd etildi.

Anomal issiq faqat Fransiya bilan cheklanib qolmayapti. Buyuk Britaniyada ham harorat rekord darajaga chiqqan. Ispaniyada esa sinoptiklar 40 darajagacha issiq bo‘lishini prognoz qilmoqda. Italiyaning ayrim hududlarida ochiq osmon ostida ishlashga cheklovlar joriy etilgan.

Mutaxassislar bu holatni iqlim o‘zgarishi va Afrika tomondan kelgan issiq havo oqimi bilan izohlamoqda. Ularga ko‘ra, Yevropa ustida hosil bo‘lgan “issiq gumbazi” yuqori haroratning uzoq saqlanishiga sabab bo‘lmoqda.

Ekspertlar kelajakda bunday issiq to‘lqinlari yanada tez-tez takrorlanishi mumkinligidan ogohlantirmoqda. Ayni paytda, jahon prognoz markazlari O‘zbekistonda ham bu yil yoz fasli odatdagidan issiqroq bo‘lishi mumkinligini bildirgan.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?