AQSH hukumati FIFA chiptalari savdosi bo‘yicha tergov boshladi

2 daqiqa o'qish246
AQSH hukumati  FIFA chiptalari savdosi bo‘yicha tergov boshladi
QisqachaAI yordamida tayyorlanganKo‘rsatish
  • AQSH hukumati 2026 yilgi Jahon chempionati chiptalari savdosi yuzasidan FIFAga nisbatan rasmiy tergov boshladi.
  • Tekshiruv jarayoni asosan Nyu-Jersidagi "MetLayf Stedium"da o‘tkazilishi rejalashtirilgan sakkizta o‘yin, jumladan final bahsi chiptalari bilan bog‘liq.
  • Nyu-York va Nyu-Jersi bosh prokurorlari Letitsiya Jeyms hamda Jennifer Devenport FIFAdan chipta narxlari, sotuv bosqichlari va o‘rindiqlar toifasi bo‘yicha batafsil hujjatlar talab qildi.

AQSH hukumati FIFAga nisbatan 2026 yilgi Jahon chempionati chiptalari savdosi yuzasidan tergov boshladi. The Athletic nashri ma’lumotiga ko‘ra, tekshiruv asosan Nyu-Jersidagi “MetLayf Stedium”da o‘tkazilishi rejalashtirilgan sakkizta o‘yin, jumladan final bahsi chiptalari savdosi bilan bog‘liq.

Manbaga ko‘ra, Nyu-York va Nyu-Jersi bosh prokurorlari Letitsiya Jeyms hamda Jennifer Devenport FIFAdan chipta narxlari, sotuv bosqichlari, o‘rindiqlar toifasi va muxlislarga taqdim etilgan ma’lumotlar bo‘yicha batafsil hujjatlar talab qilgan. Shuningdek, tashkilotga rasmiy chaqiruv qog‘ozlari ham yuborilgan. Tergov jarayoniga Nyu-York shahrining iste’molchilar va ishchilar huquqlarini himoya qilish departamenti ham jalb etilgan.

Qayd etilishicha, FIFA avval ham jamoatchilik noroziligiga qaramay chipta narxlarini oshirgani uchun tanqidlarga uchragan. Bundan tashqari, stadiondagi joylar kategoriyasi xaritalari turli savdo bosqichlarida o‘zgarib borgani ham muxlislar orasida norozilik uyg‘otgan. Ayrim xaridorlar o‘zlari sotib olgan deb hisoblagan joylar keyin boshqa toifadagi o‘rindiqlarga almashtirilganidan shikoyat qilgan.

Aprel oyida FIFA pastki tribunaning old qatorlari uchun yangi chipta kategoriyasini joriy qilganidan keyin vaziyat yanada muhokamali tus oldi. Muxlislar chipta sotib olish jarayoni yetarlicha shaffof emasligini, narxlar esa ortiqcha oshirilayotganini bildirgan.

Nyu-Jersi bosh prokurori Jennifer Devenport FIFAni “sun’iy tanqislik yaratish va narxlarni haddan tashqari oshirish”da aybladi. Uning ta’kidlashicha, Jahon chempionati kabi katta musobaqa chiptalarini sotishda adolatli va tushunarli tizim bo‘lishi kerak.

“JCH chiptalarini sotishda adolatli bo‘lish qiyin emas. Ammo FIFA buni oddiy muxlislar zarariga haqiqiy chalkashlikka aylantirdi”, — dedi Devenport.

Nyu-York bosh prokurori Letitsiya Jeyms ham muxlislar aynan nimani sotib olayotganini aniq bilishi kerakligini ta’kidladi. Uning fikricha, chipta xarid qilgan inson o‘zi tanlagan o‘rin va toifa bo‘yicha adolatli ma’lumot olishi shart.

FIFA esa avvalroq stadion xaritalari faqat umumiy yo‘nalish berish uchun xizmat qilishini, ular o‘rindiqlarning aniq joylashuvini to‘liq aks ettirmasligini bildirgan edi. Tashkilot shu orqali xaritalardagi o‘zgarishlar bo‘yicha tanqidlarga javob berishga uringan.

Ma’lumotlarga ko‘ra, FIFA AQSH rasmiylari yuborgan chaqiruv qog‘ozlarini sud orqali rad etish huquqiga ega. Shu sabab tergov jarayoni tez yakunlanmasligi va rasmiylar mundial boshlanguniga qadar to‘liq javob olmasligi ham mumkin.

Qisqasi, AQSHda FIFAga nisbatan JCH-2026 chiptalari savdosi bo‘yicha tergov boshlandi. Asosiy e’tirozlar narxlar oshishi, joylar toifasi o‘zgarishi va muxlislarga yetarli darajada aniq ma’lumot berilmagani bilan bog‘liq. Mundial hali boshlanmadi, ammo chipta atrofidagi “o‘yin” allaqachon qizib ketdi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?