AQSHda rekord jazirama: yuzlab odamlar jabrlandi, FIFA xavotirda

1 daqiqa o'qish937
AQSHda rekord jazirama: yuzlab odamlar jabrlandi, FIFA xavotirda
QisqachaAI yordamida tayyorlanganKo‘rsatish
  • AQSH hududining katta qismida kuzatilayotgan kuchli issiqlik to'lqini tufayli yuzlab odamlar jabrlandi va mamlakatdagi yirik ommaviy tadbirlar rejasi o'zgartirildi.
  • Jazirama sababli Vashingtondagi bayram tadbirlarida o'ndan ortiq ishtirokchiga tibbiy yordam ko'rsatilib, 11 nafar kishi shifoxonaga yotqizildi, shuningdek, Pensilvaniyada 100 nafardan ortiq odam tibbiy yordamga muhtoj bo'ldi.

AQSH hududining katta qismida kuzatilayotgan kuchli issiqlik to‘lqini mamlakatdagi yirik ommaviy tadbirlarga jiddiy ta’sir ko‘rsatmoqda. Jazirama tufayli AQSHning 250 yillik Mustaqillik bayramiga bag‘ishlangan qator tadbirlar rejasi o‘zgartirildi, FIFA Jahon chempionati doirasidagi ba’zi uchrashuvlar taqdiri ham muhokama qilinmoqda.

The Guardian nashrining yozishicha, xalqaro World Weather Attribution tadqiqot guruhi AQSH va Kanadaning ayrim hududlaridagi favqulodda issiq havoni “issiqlik gumbazi” deb ataluvchi yuqori bosimli atmosfera tizimi bilan izohlagan. Mutaxassislar fikricha, global iqlim o‘zgarishi bu kabi ekstremal ob-havo hodisalarining tez-tez takrorlanishiga sabab bo‘lmoqda.

Olimlar hisob-kitoblariga ko‘ra, agar Yer atmosferasining o‘rtacha harorati sanoat davridan oldingi darajaga nisbatan 1,4 darajaga oshmaganida, bu darajadagi issiqlik deyarli uchramas edi.

Imperial kolleji tadqiqotchisi Teodor Kipping ta’kidlashicha, bugungi AQSH iqlimi mamlakat mustaqilligi e’lon qilingan davrdagidan mutlaqo farq qiladi. Ayni paytda Vashingtonda o‘tkazilayotgan yubiley tadbirlarida yuqori harorat sabab bir qator o‘zgarishlar kiritilgan. Ma’lum qilinishicha, o‘ndan ortiq ishtirokchiga tibbiy yordam ko‘rsatilgan, 11 nafar kishi esa shifoxonaga yotqizilgan.

Kuchli issiq FIFA Jahon chempionati bahslariga ham ta’sir qilishi mumkin. Jumladan, Filadelfiya shahrida bo‘lib o‘tadigan Fransiya – Paragvay uchrashuvi yuqori harorat va namlik sharoitida o‘tkazilishi rejalashtirilgan. Futbolchilar xalqaro uyushmasi esa bunday vaziyatda o‘yinlarni boshqa vaqtga ko‘chirish yoki kechiktirish ehtimoli mavjudligini ma’lum qildi.

Pensilvaniya shtatidagi ommaviy tadbirlardan birida esa 100 nafardan ortiq odam issiqlik ta’siri oqibatida tibbiy yordamga muhtoj bo‘lgan. Shu munosabat bilan hududga qo‘shimcha tez yordam brigadalari va mobil sovutish punktlari jalb etilgan.

Bundan tashqari, mamlakatning yirik temiryo‘l tashuvchisi Amtrak ham yuqori harorat sabab shimoli-sharqiy hududlardagi 20 dan ortiq poyezd reysini bekor qildi va yo‘lovchilarni ehtimoliy kechikishlar haqida ogohlantirdi.

Mutaxassislar global isish ta’siri yil sayin kuchayib borayotganini ta’kidlab, issiqxona gazlari chiqindilarini qisqartirish bo‘yicha tezkor choralar ko‘rish zarurligini yana bir bor eslatmoqda.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?