Sobiq vazir Qo‘chqorov AQSHda kuryer bo‘lib ishlayotgani ochiqlandi (video)

1 daqiqa o'qish573
Sobiq vazir Qo‘chqorov AQSHda kuryer bo‘lib ishlayotgani ochiqlandi (video)

Qirg‘izistonning Mehnat va ijtimoiy rivojlanish sohasi bo‘yicha sobiq vaziri Ulug‘bek Qo‘chqorovning AQSHda kuryerlik qilayotgani haqida xabarlar tarqaldi. Bu haqda mahalliy ommaviy axborot vositalari ma’lum qildi.

Ijtimoiy tarmoqlarda keng tarqalayotgan videoda aks etgan erkakni foydalanuvchilar va post muallifi Qirg‘iziston Jogorku Keneshining sobiq deputati Ulug‘bek Qo‘chqorov sifatida tilga olmoqda. Kadrlarda uning avtomobil bagajiga turli paketlarni joylashtirayotganini ko‘rish mumkin.

Post mualliflarining ta’kidlashicha, Qo‘chqorov hozirda AQSHda Amazon kompaniyasida kuryer sifatida mehnat qilmoqda.

Mazkur video ijtimoiy tarmoqlarda faol muhokamalarni keltirib chiqardi. Ko‘plab foydalanuvchilar har qanday halol mehnat qadrli va hurmatga munosib ekanini ta’kidlagan. Ayrimlar esa uning siyosiy faoliyati va davlat boshqaruvidagi faoliyatini esga olgan.

Ochiq manbalardagi ma’lumotlarga ko‘ra, Ulug‘bek Qo‘chqorov “Ata-Jurt” partiyasi vakili sifatida V chaqiriq Jogorku Kenesh deputati bo‘lgan. Shuningdek, u 2017 yilgi prezidentlik saylovlarida ishtirok etgan.

2018 yil oktyabr oyida Qo‘chqorov Qirg‘iziston Mehnat va ijtimoiy rivojlanish vaziri lavozimiga tayinlangan. Keyinchalik, 2020 yilda u “Birdamlik” partiyasidan parlament saylovlarida qatnashish uchun nomzodini ilgari surgan.

2020 yil kuzida mamlakatda yuz bergan siyosiy voqealardan keyin u vazirlik lavozimidan ozod qilingan.

Ayrim nashrlar keltirgan ma’lumotlarga ko‘ra, Ulug‘bek Qo‘chqorov keyingi bir necha yildan buyon oilasi bilan Chikago shahrida yashab kelmoqda. Biroq u hozirgi mehnat faoliyati yuzasidan rasmiy izoh bermagan.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?