Boliviya prezidentining maslahatchisi suiqasd ishi bo‘yicha hibsga olindi

Boliviya prezidenti Rodrigo Pas bilan ishlagan argentinalik siyosiy maslahatchi Fernando Serimedo sobiq sevgilisi Nadya Bellerga suiqasd qilishga urinishda ayblanib, 180 kunga qamoqqa olindi. Bu haqda "El Deber" nashri xabar berdi.

Gazeta ma’lumotlariga ko‘ra, sudya Argentina fuqarosini dastlabki tergov davrida qamoqda saqlash haqida qaror chiqargan. Hujum oqibatida jarohatlangan Beller hozirda shifoxonada davolanmoqda. U sud majlisida videokonferensiya orqali ishtirok etgan.

Serimedo siyosiy maslahatchi sifatida tanilgan. U Argentinaning amaldagi prezidenti Xaver Mileyning saylov kampaniyasida muhim rol o‘ynagan. TN telekanali ma’lumotlariga ko‘ra, u Miley partiyasining raqamli strategiyasini ishlab chiqishda asosiy shaxslardan biri bo‘lgan.

Bundan tashqari, Serimedo Braziliyaning sobiq prezidenti Jair Bolsonaru bilan ham aloqalarni saqlab kelgan.