11:30 / 16.01.2016
6 530

Evropada ish vaqtida ijtimoiy tarmoqlardan foydalanish taqiqlandi

Evropada ish vaqtida ijtimoiy tarmoqlardan foydalanish taqiqlandi
2007 yilda ruminiyalik injener Yahoo Messenger orqali ish vaqtida rafiqasi va akasi bilan muloqot qilgani uchun ishdan bo‘shatilgan edi.

Evropadagi ishchi-xodimlar ish vaqtida ijtimoiy tarmoqlarda shaxsiy xabarlarini yozishdan oldin etti o‘lchab bir kesishlariga to‘g‘ri keladi, chunki Inson huquqlari bo‘yicha Evropa sudi kompaniyalarga o‘z xodimlarining onlayn muloqotlarini kuzatish huquqini berdi. Bu haqda tribune.com'ga asoslanib Qalampir.uz sayti xabar bermoqda.

So‘nggi paytlarda kompaniya xodimlari ish vaqtida ijtimoiy tarmoqlardan nafaqat xizmat yuzasidan, balki o‘zlarining yaqinlari bilan ham muloqot qilish holatlari ko‘paygani bunga asosiy sabab qilib ko‘rsatilmoqda. Bularning barchasi 2007 yilda ruminiyalik injenerning Yahoo Messenger orqali ish vaqtida rafiqasi va akasi bilan muloqot qilgani uchun ishdan bo‘shatilganidan keyin boshlandi. Injener Ruminiya sudiga kompaniya ustidan shikoyat qilgan, sud esa kompaniya qarorini yoqlab hukm chiqargan.

Inson huquqlari bo‘yicha Evropa sudi bu ish yuzasidan Ruminiya sudining qarorini to‘la-to‘kis qo‘llab-quvvatlagan va kompaniya injenerning huquqi buzilmagan deb topdi.

“Kompaniyalar xodimlarning ish vaqtida nima bilan shug‘ullanayotganligini bilishga haqlidirlar”, – deydi Inson huquqlari bo‘yicha Evropa sudi.
Inson huquqlari bo‘yicha Evropa sudining qabul qilgan yangi qarori inson huquqlari bo‘yicha Evropa konvensiyasini ratifikasiya qilgan barcha davlatlar uchun majburiy hisoblanadi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Evropada ish vaqtida ijtimoiy tarmoqlardan foydalanish taqiqlandi
[/banner_pushhouse