Koronavirus «import»iga qarshi kurashning xitoycha usuli

^{Foto: «24tv.ua»}
Xitoy xorijdan koronavirus kirib kelishiga qarshi «uchta mudofaa chizig‘i»ni ishlab chiqdi, deya xabar berdi «RIA Novosti»ga tayanib "Xabar" nashri.
«Oldingi chiziqda» bojxonachilar faoliyat ko‘rsatadi. Ular o‘tgan 40 kun davomida tana haroratini o‘lchash yo‘li bilan, shuningdek, ularning harakatlanish tarixini o‘rganish yordamida infeksiyani yuqtirgan ko‘plab yo‘lovchilarni aniqlashning uddasidan chiqishdi, deya ma’lum qildi Xitoy kasalliklarni nazorat qilish va profilaktika markazi epidemiologi U Szunyu.

Mudofaaning ikkinchi chizig‘i ikki haftalik karantinni o‘z ichiga oladi. Fuqaroligidan qat’i nazar xorijdan Xitoyga kelgan barcha yo‘lovchilar bu jarayondan o‘tishi shart. Karantinda saqlash muddati, shifokorlarning fikricha, koronavirus pnevmoniyasining inkubatsion davri 14 kun davom etishi bilan izohlanadi.

Mudofaaning uchinchi chizig‘ida tajribali tibbiyot xodimlari joy olishgan. Ular mudofaaning dastlabki ikki chizig‘ida fosh etilmagan bemorlarni aniqlashga xizmat qiladi, deydi U Szunyu. “Zamin” yangiliklarini “Telegram”da kuzatib boring