Yangi tug‘ilgan chaqaloqlar boshida “liqildoq” deb ataladigan yumshoq joy bo‘ladi. Bu suyaklar hali to‘liq yopilmaganidan dalolat beradi va bola miyasining normal o‘sishi uchun juda muhim.
Ko‘pchilik ota-onalarni qiynaydigan savol: liqildoq nega kichik bo‘lishi yoki juda erta yopilishi mumkin?
Asosiy sabablardan ba’zilari:
- Genetik omillar – ba’zi bolalarda tabiiy ravishda liqildoq kichikroq bo‘lishi mumkin.
- Rivojlanish tezligi – bola suyaklari tezroq qotganida liqildoq ham erta yopiladi.
- D vitamini yetishmovchiligi yoki me'yordan ortiqligi – suyaklarning qotish jarayoniga ta’sir qiladi.
- Bosh ichidagi bosim o‘zgarishi – kam hollarda shifokor nazoratini talab qiladigan sabab bo‘lishi mumkin.
Qachon tashvishlanish kerak?
Agar liqildoq odatdagidan juda kichik bo‘lsa, 3–4 oyligidayoq yopilib qolsa yoki bolaning bosh shakli g‘ayritabiiy ko‘rina boshlasa — shifokorga murojaat qilish zarur.
Aksariyat hollarda esa liqildoqning kichik yoki tez yopilishi tabiiy jarayon bo‘lib, bola sog‘lig‘iga ta’sir qilmaydi. Muhimi — muntazam pediatr tekshiruviga borish va shifokor ko‘rsatmalariga amal qilishdir.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
