Avstraliyada quyoshdan himoya kremlari bo‘yicha katta mojaro yuzaga keldi. Tekshiruvlar mashhur brendlarning ayrim mahsulotlari qadoqda yozilgandek himoya bermasligini ko‘rsatdi. Bu esa aholida xavotir uyg‘otdi, chunki mamlakatda teri saratoni juda keng tarqalgan.
20 ta kremdan 16 tasi belgilangan darajaga mos kelmagan. Masalan, Ultra Violette brendining kremi SPF 50+ o‘rniga atigi SPF 4 daraja himoya bergani aniqlangan.
Avstraliya hukumati bu bo‘yicha surishtiruv boshladi. Ultra Violette mahsulotini bozordan qaytarib oldi va iste’molchilardan uzr so‘radi. Boshqa kompaniyalar ham ayrim mahsulotlarini vaqtincha to‘xtatishga majbur bo‘ldi.
Mutaxassislar nazorat kuchaytirilishi kerakligini aytmoqda. Shifokorlar esa odamlarni nafaqat kremdan foydalanishga, balki quyoshdan saqlanish uchun kiyim kiyishga ham chaqirmoqda.
“Zamin”ni Telegramʻda oʻqing!
