Spot Bitcoin ETF’lari ketma-ket oʻnta savdo kuni davomida mablagʻ chiqib ketishini (outflow) qayd etdi. 15-maydan buyon jami sof chiqib ketgan mablagʻlar miqdori 2,97 milliard dollardan oshdi. SoSoValue maʼlumotlariga koʻra, ushbu davrda kunlik chiqib ketish hajmi 70 milliondan 733 million dollargacha oʻzgarib turgan, eng yuqori koʻrsatkich esa chorshanba kuni 733,43 million dollar bilan qayd etilgan. Bu haqda Cointelegraph.com xabar beradi.
Spot Bitcoin ETF’laridagi jami sof aktivlar hajmi 15-maydagi 104,29 milliard dollardan juma kuniga kelib 94,17 milliard dollargacha kamaydi. Bu ikki hafta ichida qariyb 10 milliard dollarlik pasayishni anglatadi. Hozirgi oʻn kunlik seriya oʻtgan yilning boshida kuzatilgan sakkiz kunlik rekordni yangiladi. Tahlilchilarning fikricha, bunday ommaviy chiqib ketish bozorda institutsional investorlar orasida qoʻrquv va xavfdan qochish kayfiyati yuqoriligini koʻrsatmoqda.
Santiment Intelligence kripto-tahlil firmasi ushbu holatni "teskari indikator" (contrarian indicator) deb atamoqda. Tarixiy tajriba shuni koʻrsatadiki, ETF’lardan mablagʻlarning keskin chiqib ketishi koʻpincha bozor tubiga yaqinlashayotganidan dalolat beradi. Narxlar odatda treyderlarning kutmalariga teskari yoʻnalishda harakat qiladi, yaʼni maksimal qoʻrquv va umidsizlik davri koʻpincha narxlarning qayta tiklanishidan oldin sodir boʻladi.
Shu bilan birga, spot Ether (ETH) ETF’lari ham umumiy sotuvlar toʻlqinida qolib, 11-maydan buyon ketma-ket 14 kun davomida mablagʻ yoʻqotdi. Jami aktivlar 13,85 milliard dollardan 11,27 milliard dollargacha tushdi. Aksincha, spot Hyperliquid (HYPE) ETF’lari bozor tendensiyasiga qarshi ravishda ishga tushgan kundan boshlab har kuni investitsiya jalb qilib, oʻz aktivlarini 122,20 million dollarga yetkazib oldi.
“Zamin”ni Telegramʻda oʻqing!
