Qadimdan Xorazm qovunlarining dovrug‘i yetti iqlimga ma’lum bo‘lgan. Tarixiy manbalarning guvohlik berishicha, vohada qovunning 400 dan ziyod navlari yetishtirilgan.
Xorazm qovunchilik maktabi dovrug‘ini qayta tiklash maqsadida Urganch davlat universiteti qoshida qovunchilik markazi tashkil etilib, polizchilik yo‘nalishida mutaxassislar tayyorlash yo‘lga qo‘yilgan edi. Markaz ilmiy izlanuvchilari tomonidan olib borilgan tadqiqot natijalariga ko‘ra, qovunning o‘rta pishar gurak, qora gurak, oq novvot, suyunchi kabi qadimiy navlari qayta tiklanmoqda.
— Ilmiy-tadqiqot ishlarini olib borish uchun ajratilgan 7 gektar maydonda 125 xildagi qovun navlari bo‘yicha tajribalar olib boryapmiz, – deydi Urganch davlat universiteti qovunchilik bo‘limi boshlig‘i Sanjar Sa’dullayev. – Maqsadimiz Xorazm qovunlari dovrug‘ini qayta tiklash, yo‘qolib borayotgan navlarni asrab, voha tuproq va iqlim sharoitiga mos, eksportbop navlarni ko‘paytirishdan iborat. Shu bilan birga qovunni issiqxona xamda ochiq dalalarda yetishtirish bo‘yicha ilmiy klaster loyihasini tashkil qilish ustida ham ish olib bormoqdamiz.
Odatda polizda asosiy hosil yig‘ishtirib olingach palakda pishib yetilmay qolgan mushtday kattalikdagi qovunlar chorva mollariga berilardi. Markaz xodimlari bunday qovunlardan tuzlama tayyorlashni yo‘lga qo‘ydilar. Muhimi yangi mahsulotga xorijiy hamkorlar katta qiziqish bildirib, eksport qilish bo‘yicha muzokaralar olib borilyapti.
Ma’lumot o‘rnida aytish joiz, bu yil viloyatda 12 ming gektar maydonda qovun yetishtirildi. Tilimi tilni yoradigan Xorazm qovunlari Yaponiya, Germaniya, Koreya, Rossiya kabi qator mamlakatlarga eksport qilinmoqda.
Odilbek Odamboyev
Manba: Xs.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Shveysariya prezidenti Putinga maktub yo‘lladi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
O‘zbekistonda o‘tgan uch oyda qancha avtomobil ishlab chiqarilgan?
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Germaniyaning Knauf kompaniyasi Rossiyadan butunlay chiqib ketishini tasdiqladi
Futzal. Osiyo Kubogi. Tojikiston Yaponiyani guruhda qoldirdi