Malibu-2dagi talabalar YPX xodimini haqorat qilib, videosini tarqatdi

Samarqand viloyatining Ishtixon tumanida texnikum talabalari ishtirokida noxush holat yuz berdi. Ular ijaraga olingan Malibu-2 avtomobilida harakatlanib, YPX xodimining to‘xtash haqidagi talabiga bo‘ysunmagan.

Ma’lum qilinishicha, yoshlar yo‘l-patrul xizmati xodimini haqorat qilgan. Shuningdek, uning sha’ni va obro‘siga putur yetkazuvchi videolarni ijtimoiy tarmoqlarga joylashtirgan.

Hodisa jamoatchilik e’tiborini tortdi. Hozircha holat yuzasidan qanday chora ko‘rilgani haqida qo‘shimcha ma’lumot berilmagan.