Turk seriallari yulduzi Burak O‘zchivit Rossiyada suratga olinadigan yangi “Siz bilan uzoq vaqt qolaman” (“Ya k tebe nadolgo”) nomli serialda ishtirok etadi va unda bosh qahramon rolini ijro etadi. Ushbu romantik komediya rejissyor va ssenariy muallifi Karen Zaharovga tegishlidir.
Foto: Instagram
Yangi serialda to‘satdan Moskvaga qaytgan turkiyalik mashhur yulduz va uning sarguzashtlari haqida hikoya qilinadi. Syujet markazida seriallarni tomosha qilishni yaxshi ko‘radigan Marina ismli qiz turadi. Bir kuni uning orzusi ro‘yobga chiqadi va xonadoni ostonasida Burak O‘zchivit paydo bo‘ladi.
Suratga olish ishlaridan lavha
Foto: “Kinoteatr.ru”
Ular madaniyatlar orasidagi tafovutlarga duch keladi, bolalik xotiralari bilan bo‘lishadi, Burak esa Rossiyaning sovuq iqlimiga ko‘nikishni o‘rganadi. Aktyor Marinaga turli hayotiy muammolarga ijobiy qarashni, har bir ishda xayr izlashni va kichik narsalar tufayli ham baxtli bo‘la olishni o‘rgatadi.
“Siz bilan uzoq vaqt qolaman” seriali oltita epizoddan iborat bo‘lib, O‘zchivit har bir epizod uchun o‘rtacha 15 ming dollar miqdorda gonorar oladi. Loyihaning birinchi qismi 2025 yil dekabr oyida Ivi onlayn platformasida namoyish etiladi.
Suratga olish ishlaridan lavha
Foto: “Kinoteatr.ru”
Suratga olish ishlaridan lavha
Foto: “Kinoteatr.ru”
Burak O‘zchivit rafiqasi Fahriye Evjen bilan Moskvaga noyabr oyining oxirida uchib keldi. Juftlik Moskvaning diqqatga sazovor joylariga, xususan, Tretyakovskaya galereya va Qizil maydonga tashrif buyurdi.
Foto: Instagram
Foto: Instagram
Ma’lumot uchun, Burak O‘zchivit Rossiya loyihalarida avval ham ishtirok etgan, jumladan, aktyor “Archalar 11” filmida epizodik rolda namoyon bo‘lgan. Undagi voqealar Rossiyaning har xil burchaklarida sodir bo‘lib, yosh qiz Yangi yil arafasida “Turkiyalik shahzoda” bilan uchrashishni chin dildan istaydi va uning orzusi kutilmagan tarzda amalga oshadi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
"Mevalar qiroli" mangoning salomatlik uchun qanday foydali xususiyatlari bor?
Mayk Tayson: “Yig‘ladim va qasos olishga va’da berdim”
"Metallurg" 2025 yil Superligada o‘ynaydi
Tadqiqot: Kunlik qahva iste’moli umrni uzaytirib, hayot sifatini yaxshilashga yordam beradi
Rossiya tashqi ishlar vaziri Lavrov amerikalik jurnalistga nimalar dedi?
Germaniyada suriyaliklar Bashar Asad hokimiyatdan ag‘darilganini ommaviy ravishda nishonladi
Turkiya prezidenti dunyoda faqat ikki yetakchi qolganini aytdi
Tokioda tug‘ilish darajasini oshirish uchun 4 kunlik ish haftasi joriy etiladi
