Aktyor va blogger Shaxriyor Baxtiyorov hamda uning turmush o‘rtog‘i Zilola Baxtiyorova yana bir bor ota-ona bo‘layotgani haqida quvonchli xabar bilan bo‘lishdi. Ular kutilayotgan farzandlarining jinsi — o‘g‘ilmi yoki qiz — ekanini e’lon qilish uchun o‘ziga xos va iliq muhitda gender party tashkil etishdi.
Zilola Baxtiyorova o‘z Instagram sahifasiga joylagan videoda juftlikning qizi Sofiya bilan birga maxsus tayyorlangan katta sharni qo‘llarida ushlab turgani aks etadi. Shaxriyor va Zilola sharni igna yordamida yorishgan zahoti uning ichidan o‘g‘il farzand tug‘ilishini bildiruvchi ko‘k sharchalar charx urib sochila boshlaydi.
Bu manzara hammaning yuzida tabassum uyg‘otdi. Zilola va Shaxriyorning quvonchi cheksiz edi — ular bir-birlarini mehr bilan bag‘riga bosib, yangi farzandlari uchun Allohga shukronalar aytishdi. Qizlari Sofiya ham ukasi bo‘layotganidan xursand bo‘lib, ota-onasi bilan birga quvonchini yashirmadi.
Oilaning ushbu baxtli lahzalari ijtimoiy tarmoqlarda tezda tarqalib, minglab izohlar bilan qarshilandi. Muxlislar ularga samimiy tabriklar yo‘llab: “Xonadoningiz doimo baxtga to‘lsin!”, “Kichik mehmon sog‘-salomat dunyoga kelsin!” kabi ezgu tilaklarini bildirishdi.
Baxtiyorovlar oilasi uchun yangi bob boshlanmoqda va muxlislar ham ular bilan birga quvonmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
