Xonanda Ariana Grande ijodiy faoliyatida tanaffus qilishga qaror qildi

Xonanda Ariana Grande yaqin vaqt ichida ijodiy faoliyatida tanaffus qilishga qaror qildi. Ma’lum qilinishicha, u jahon gastrol safari yakunlanganidan keyin ommaviy tadbirlar va ish jarayonidan vaqtincha chetlashadi.

Xonandaning ushbu tur doirasidagi so‘nggi konserti 1 sentyabr kuni Londonda bo‘lib o‘tishi rejalashtirilgan. Shundan so‘ng Ariana bir muddat sahna ko‘rinishlari va boshqa loyihalarda ishtirok etmaydi.

So‘nggi haftalarda xonandaning keskin vazn yo‘qotgani ijtimoiy tarmoqlarda turli muhokamalarga sabab bo‘lgan edi. Biroq uning vakillari va yaqin manbalar bu holat haqidagi taxminlarni rad etdi.

Ularning bildirishicha, Ariana Grande uzoq va mashaqqatli gastrol safari ortidan oddiy dam olishni rejalashtirmoqda.