O‘zbekistonda qog‘oz ishlab chiqarish uchun yangi tarkib ixtiro qilindi

^{© ima.uz / kun.uz}

O‘zbekistonda sellyuloza-qog‘oz sanoatida va qog‘oz ishlab chiqarishda foydalanish uchun, olinayotgan qog‘ozning pishiqlik ko‘rsatkichlarini yaxshilash, xomashyo bazasini kengaytirish va mikroblarga qarshi xususiyatlarini ta’minlash maqsadida qog‘oz ishlab chiqarish uchun tarkib ixtiro qilindi. Bu haqda Intellektual mulk agentligi'ga asoslanib Kun.uz xabar bermoqda.

Ushbu tarkib paxta sellyulozasidan iborat tolasimon hosila, elimlovchi hosila – karboksimetilsellyuloza, to‘ldirgich – kaolin yoki bo‘r, bakterisid qo‘shimcha va suvni ichiga olgan.

Bunda tolasimon hosila tarkibida qo‘shimcha ravishda qizilmiya chiqindilari asosidagi sellyulozadan tarkib topgan.

“Doniyor Nabiev, Iroda Nabieva, Xalima Babaxanova, Feruza Shoxidova, Zulfiya Galimovadan iborat mualliflar jamoasi IAP-04981 raqamli ixtiro uchun patent olishdi”, – deyiladi agentlik xabarida.