Saudiya Arabistoni chempionatining 22-turi doirasida safarda o‘tgan bahsda «Al-Nasr» «Al-Fateh» maydonida 2:0 hisobida g‘alaba qozondi. Uchrashuvdagi gollardan biriga 41 yoshli hujumchi Krishtianu Ronaldu mualliflik qildi — u tanaffusdan so‘ng yana maydonga qaytdi. Bu haqda euro-football.ru xabar beradi.
Futbol sharhlovchisi Aleksandr Yelagin yulduz portugaliyalikning o‘yindagi faolligini alohida ta’kidladi. Uning yozishicha, Ronaldu nafaqat gol urgan, balki himoyada ham fidokorona ishlagan, jarima maydoni ichida bir necha bor to‘pni uzoqlashtirib, jamoasiga yordam bergan.
Yelagin ijtimoiy tarmoqlardagi postida «Buyuk futbolchi qaytdi va darhol gol urdi. Hatto himoyada ham ter to‘kdi, go‘yo yosh yigitdek yugurdi», deya hayratini yashirmadi.
Joriy mavsum Saudiya Arabistoni chempionatida Ronaldu 19 o‘yinda 18 ta gol urdi.
“Zamin”ni Telegramʻda oʻqing!
