"Al-Nasr" bosh murabbiyi Jorje Jezush Krishtianu Ronaldu nega yaqinlashib kelayotgan uchrashuvni o'tkazib yuborishini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida "Arkadag"ga qarshi maydonga tushadi. Portugaliyalik yulduz forvardning tez orada yana safga qaytishi haqida gaplar bor, biroq bu o'yinda u tarkibda bo'lmaydi.
Jezushning aytishicha, zich taqvim sabab Ronaldu va asosiy tarkibning yana bir qator futbolchilariga dam berish haqida qaror qabul qilingan. Murabbiy buning asosiy sababi sifatida oldinda turgan muhim "Al-Fateh" bilan bahsni ko'rsatdi.
Al Nassr Zone keltirgan iqtibosga ko'ra, Jezush Ronalduga dam berilishi yangilik emasligini ham ta'kidladi: u Saudiya Arabistonidan tashqarida o'tadigan o'yinlarda avval ham bir necha bor maydonga tushmagan.
Saudiya chempionatidagi "Al-Fateh" – "Al-Nasr" uchrashuvi shanba, 14-fevral kuni bo'lib o'tadi.
“Zamin”ni Telegramʻda oʻqing!
