21:00 / 09.04.2015
29 325

«Uzmobile»ning GSM tarmog‘i tarif rejalari narxi ma’lum bo‘ldi

«Uzmobile»ning GSM tarmog‘i tarif rejalari narxi ma’lum bo‘ldi
15 apreldan ish boshlashi kutilayotgan «Uzmobile»ning GSM tarmog‘i uchun chiqarilgan tarif rejalari va ularning narxlari yozilgan suratlar internetda paydo bo‘ldi. Unga ko‘ra yangi ish boshlaydigan operator «Yaqin», «Yaxshi», «Yana» va «Ajoyib» nomlari ostidagi to‘rtta tarif rejasini o‘z ichiga oladi.

«Yaqin» tarif rejasida kunlik abonent to‘lovi 5 sentni tashkil qiladi. Tarif oylik bepul 30 daqiqa va 50 mb bepul internet trafigini o‘z ichiga oladi. O‘zbekiston bo‘ylab chiqish qo‘ng‘iroqlari (30 daqiqalik limit tugagach) 2,5 sentn tashkil qiladi. «Yaxshi» tarif rejasida esa kunlik abonent to‘lovi 15 sent bo‘lib, 250 bepul daqiqa va 120 mb bepul internet trafigi o‘z ichiga oladi. O‘zbekiston bo‘ylab chiqish qo‘ng‘iroqlari 2 sent, bitta SMS-xabar esa 1,5 sentni tashkil qiladi.

«Yana» tarif rejasida oylik abonent to‘lovi 12 dollar bo‘lib, bunda oylik 1200 bepul daqiqa va 300 mb bepul internet trafiklari bonus sifatida belgilab qo‘yilgan. O‘zbeikston bo‘ylab boshqa qo‘ng‘iroqlar 2 sent, tarmoq ichidagi qo‘ng‘iroqlar va O‘zbekiston bo‘ylab bitta SMS-xabar narxi esa 1 sentni tashkil qiladi. «Ajoyib» tarif rejasida oylik abonent to‘lovi 20 dollarni tashkil etadi. Tarif oylik 4000 ming daqiqa va 600 mb internet trafigini bonus sifatida taqdim etadi. O‘zbekiston bo‘yicha boshqa har qanday qo‘ng‘iroqlar 1 sent, bitta SMS-xabar narxi esa yarim sentni tashkil qiladi.

Kompaniya prays-qog‘ozida yozilishicha, «Yaqin», «Yaxshi» tarif rejalari faqatgina jismoniy shaxslar uchun taqdim etiladi. «Yana» va «Ajoyib» tarif rejasidan esa jismoniy va yuridik shaxslar bir vaqtning o‘zida foydalanishi mumkin.

Manba: www.kun.uz
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)