Украина президенти Владимир Зеленский мамлакат хавфсизлик кучларини келаси йилга тайёрлаётганини ва бу ҳал қилувчи йил бўлиши кераклигини айтди.
«Бу ҳал қилувчи йил бўлиши керак. Биз қишда қандай хавф-хатарлар борлигини тушунамиз, баҳорда нима қилишимиз кераклигини тушунамиз, яъни бутун мудофаа ва хавфсизлик сектори қандай натижалар кўрсатиши кераклигини тушунамиз», – дейди Зеленский.
Шунингдек, Украина президенти бу ҳафта Украина учун сиёсий нуқтаи назардан муҳим бўлишини айтиб, яқин келажакда Олий Радага Украинанинг ташқи ва ички аҳволи бўйича йиллик мурожаатни етказишга ваъда берди.
«Келгуси йилга қадам қўймоқдамиз ва миллий мақсадларимиз ҳақида умумий тушунчани сақлаб қолишимиз керак. Албатта, бу бизнинг еримизни душмандан озод қилиш билан бир қаторда Украинани тиклаш, халқимизнинг ўз ватанига қайтиши. Украина учун дунёда янги имкониятлар очиш – буларнинг барчаси яқин келажак учун вазифалардир», – дея қўшимча қилди Зеленский.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
