ЖАР собиқ президенти қамоқхонада жой йўқлиги сабаб озод этилди

Жанубий Африка Республикасининг собиқ президенти Жейкоб Зума қамоқхона тўлиб кетгани ва жой йўқлиги сабаб озод этилди, деб хабар бермоқда BBC.

Собиқ давлат раҳбари судга ҳурматсизлик қилгани учун 15 ойлик қамоқ жазосини ўташи керак эди.

Зума ЖАР қамоқхоналаридаги тангликни юмшатиш учун апрель ойида бошланган схема бўйича озод қилинган 9 000 дан ортиқ унчалик хавфли бўлмаган маҳбуслардан бири экани айтилмоқда.

Республика адлия вазири Роналд Ламола бу қарор ҳеч қандай сиёсий аралашувсиз қамоқхона маъмурияти томонидан қабул қилингани ва Зуманинг унга деярли таъсири йўқлигини айтди.

81 ёшли Зума 2021 йилда унинг президентлиги давридаги молиявий фирибгарлик ва қариндош-уруғчиликни тергов қилган комиссия олдида кўрсатма беришдан бош тортгани учун қамоққа ташланган. Бироқ у атиги икки ой ўтиб, соғлиғи сабабли қамоқдан озод қилинди.

Апелляция суди ўтган йилнинг ноябрида озодликни ноқонуний деб топди ва Зумaни жазо муддатини ўташ учун қамоқхонага қайтаришни буюрди. Июль ойида Конституциявий суд қамоқ жазосини бекор қилишга уринишни рад этди.

Шухрат Раззаков

«ЗАМИН.УЗ» муҳаррири

Мавзуга оид янгиликлар

Кўп қутбли дунёда – Туркия ва туркий бирлик

Кеча, 21:18

Путин Пасха муносабати билан 30 соатлик оташкесим эълон қилди

Кеча, 21:00

Пекинда одамлар ва роботлар ўртасидаги илк марафон бўлиб ўтди

Кеча, 20:40

АҚШда Украинага ёрдам бўйича мунозаралар сусаймоқда

Кеча, 20:20

Дубай шоколади писта нархини кескин оширди

Кеча, 15:48

Оқ уй: COVID-19 инсон томонидан яратилган ва Ухан лабораториясидан чиққан

Кеча, 15:37