Фото: Getty Images
Германия пойтахти Берлин шаҳри маъмурияти Йозеф Геббелснинг вилласини исталган одамга бепул берилишини эълон қилди.
Bild маълумотларига кўра, катта бино ва унинг атрофидаги 17 гектар майдон Берлиндан 15 км узоқликда, Богензее кўли яқинида жойлашган. Бино 24 йилдан бери бўм-бўш, ҳар йили уни сақлаш учун пойтахт бюджетидан юз минглаб евро сарфланмоқда.
Берлин молия вазири Штефан Эверс хабарига кўра, энди уни исталган шахс олиши мумкин.
«Ким истаса уни Берлин шаҳридан совға сифатида бепул олиши мумкин», деди у.
Унинг таъкидлашича, шу кунгача на маҳаллий, на федерал ҳокимият ушбу объектга ҳали қизиқиш билдирмаган.
Эверс, агар Геббелснинг вилласига эга топилмаса, Берлин расмийлари уни бузиб ташлаши ҳақида огоҳлантирди.
Нашрнинг қайд этишича, сўнгги ўн йилликлар давомида ушбу виллага эга топишга уринишлар муваффақиятсиз якунланган. Бунинг сабаби — уни таъмирлаш учун миллионлаб евро харажат зарурлиги.
Йозеф Геббелс - немис сиёсатчиси ва тарғиботчиси, Адолф Ҳитлернинг энг яқин ҳамкори ва содиқ издошларидан бири. 1933 йилдан 1945 йилгача Германия тарғибот вазири ва Империя маданият палатаси президенти бўлиб ишлаган. 1945 йил 1 май куни, фашистлар Германиясининг Иккинчи жаҳон урушидаги мағлубияти арафасида ўз жонига қасд қилган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Шимолий Корея янги кўрсаткичларга эга баллистик ракетани синовдан ўтказди
Ўзбекистонликлар доимий яшаш учун кўпроқ қайси давлатларга кўчиб кетмоқда?
D витамини дозасини ошириб юборишнинг хавфли оқибатлари
Эрдўғон давлат тўнтариши эҳтимоли сабабли тунда фавқулодда йиғилиш ўтказди
Мессининг салкам 1 миллион долларга сотилган салфеткаси ҳақида
Украина президенти маҳбусларни сафарбар қилиш тўғрисидаги қонунни имзолади
Пневматик қуролларни ўз ихтиёри билан топширганлар жавобгарликдан озод этилади