Буюк Британиянинг жануби-шарқида жойлашган Саутенд аэропортида ҳалокатли ҳолат қайд этилди — Beechcraft King Air B200 самолёти ҳавога кўтарилиш жараёнида ҳалокатга учради. Бу ҳақда The Telegraph нашри хабар тарқатди.
Дастлабки маълумотларга қараганда, кичик ўлчамли ушбу самолёт Нидерландиянинг Лелистад шаҳрига йўл олиши керак бўлган. Аммо маҳаллий вақт билан соат 15:45 да режалаштирилган парвоз 10 дақиқа кечикиш билан амалга ошган ва шундан сўнг фожиа юз берган.
Эссекс полицияси воқеадан хабардор эканини тасдиқлади ва барча фавқулодда хизматлар — тез ёрдам, ўт ўчирувчилар ва хавфсизлик органлари ҳозирда воқеа жойида иш олиб бораётганини маълум қилди. Воқеа жойи яқинида жойлашган Rochford Hundred голф-клуби ва Westcliff регби клуби эвакуация қилинган.
Beechcraft King Air B200 — 7-9 нафар йўловчи сиғадиган, кўп мақсадли енгил самолёт бўлиб, одатда бизнес ва шошилинч тиббий парвозларда фойдаланилади. Унинг ишончлилиги ва самарадорлиги билан танилганига қарамай, бу фожиа унинг хавфсизлиги бўйича саволлар уйғотмоқда.
Daily Mail манбаси ёзишича, бортида нечта киши бўлгани ҳозирча аниқ эмас. Тергов ва расмий маълумотлар кутилаётган бир пайтда, бутун Британия жамоатчилиги бу воқеани ташвиш билан кузатмоқда.
Сиз нима деб ўйлайсиз: бу каби хусусий парвозлар хавфсизлиги етарлича назорат қилинаяптими? «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
