АҚШнинг New York Post нашри ёзишича, икки йил аввалги “Титан” батискафи билан боғлиқ фожиадан кейин, номаълум миллиардер “Титаник” кемаси вайроналарига шўнғиш ниятида. Бу мисли кўрилмаган экспедиция учун у 10 миллион доллар тўлашга тайёр.
Манбаларга кўра, экспедиция яқин икки ҳафта ичида бошланиши мумкин. Миллиардернинг исми ошкор этилмаган, аммо NYP маълум қилишича, у жамоатчиликка таниш шахс. У “Титаник” вайроналарига «Титан» фожиасидан кейин биринчи бор шўнғувчи инсон бўлишни истамоқда.
Эслатиб ўтамиз, 2023 йил июнь ойида туристларни “Титаник” кемаси қаршисидаги харобаларга олиб кетаётган “Титан” номли сувости кемаси билан боғлиқ фожиа юз берган. Алоқа сузиб чиққанидан 1 соат 45 дақиқа ўтиб узилган ва кейинчалик кема портлагани маълум бўлган.
Кема бортида 5 киши — британ миллиардери Хемиш Хардинг, покистонлик тадбиркор Шаҳзода Довуд ва унинг 19 ёшли ўғли Сулаймон, тадқиқотчи Поль-Анри Наржоле ҳамда OceanGate асосчиси Стоктон Раш бўлган.
«Замин»ни Telegram’да ўқинг!
