Хитойнинг Шандун музофоти кутилмаган муаммога дуч келди — қуёш панеллари орқали ишлаб чиқарилаётган электр энергияси меъёрдан ошиб кетмоқда. Бу ҳолат электр нархларининг пасайишига сабаб бўлди, деб хабар берди Bloomberg.
2020 йилдан 2025 йилгача Шандунда қуёш электр станциялари қуввати 23 гигаваттдан 85 гигаваттгача ошган. Бу кўрсаткич уй томларига кенг кўламда панеллар ўрнатилиши ҳисобига эришилган. Агар Шандун алоҳида давлат бўлганида, электр ишлаб чиқариш бўйича дунёда олтинчи ўринни эгалларди.
Қуёш энергиясининг камчилиги шундаки, асосан куннинг ўрталарида — талаб паст бўлган вақтда кўпроқ электр ишлаб чиқарилади. Натижада тармоқларда ортиқча юклама пайдо бўлади.
Музофот раҳбарлари энергия балансини барқарорлаштириш мақсадида шамол ва атом энергетикасини ривожлантиришни жадаллаштиришни режалаштирмоқда. Шунингдек, кундуз истеъмолни рағбатлантириш учун тарифлар пасайиши мумкин. Ортиқча энергияни сақлаш ва кечқурун тарқатиш учун аккумулятор тизимлари ҳам кенг жорий этилмоқда.
«Замин»ни Telegram’да ўқинг!
