Швеция полицияси Стокгольм теракти ижрочиси гумони остида Ўзбекистон фуқаросини қўлга олди

  • 09 апрель 2017, 18:22
  • 4 781
  • Дунё
  • Швеция полицияси Стокгольм теракти ижрочиси гумони остида Ўзбекистон фуқаросини қўлга олди
    Швеция полиция бошқармаси раҳбари Дан Элиассоннинг маълум қилишича, Стокгольмдаги терактни амалга ошириш гумони билан ҳақиқатан ҳам 39 ёшли Ўзбекистон фуқароси қўлга олинган. Бу ҳақда «Коммерсантъ»га асосланиб "Соф.уз" хабар бермоқда.

    SVT телеканали ахборотига кўра, гумонланувчи «террорчилик ҳаракати йўли билан қотилликни амалга ошириш»да айбланмоқда.

    Гумонланувчи ўзига қўйилган айбни тан олгани ҳақида аввалроқ ОАВда пайдо бўлган ахборот юзасидан Дан Элиассон изоҳ беришни истамади. Бундан ташқари, полиция вакили Ўзбекистон фуқаросининг Швецияда яшаш учун рухсатномаси бор-йўқлигига ҳам аниқлик киритмади.

    Дан Элиассон ҳуқуқни муҳофаза қилиш органларининг гумонлари жуда жиддий эканини қайд этиб ўтди. «Айни вақтда, биз бу ишга бошқа одамлар ҳам аралашганини истисно қила олмаймиз», — деди у.

    Швеция Хавфсизлик хизмати раҳбари Андрес Торнбергнинг таъкидлашича, қўлга олинган Ўзбекистон фуқароси ҳақида бир йил аввал огоҳлантирувчи маълумотлар олган, бироқ уларнинг экстремизмга алоқаси йўқ ва «иккинчи даражали масалалар» эди.

    Полиция қўлга олинган Ўзбекистон фуқаросининг исми-шарифини маълум қилмаган. Швеция нашрларининг ўз манбаларига асосланиб ёзишича, унинг Facebook’даги саҳифасидан ИШИД террорчилик ташкилотининг тарғибот материаллари топилган.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Швеция полицияси Стокгольм теракти ижрочиси гумони остида Ўзбекистон фуқаросини қўлга олди