Тожикистонлик қизалоқ ўз ҳаётини сақлаб қолган Дубай амирига миннатдорчилик билдирди (видео)

^{Фото: Twitter / HH Sheikh Mohammed}
Тожикистонлик етти ёшли Maxина Ғаниева Бирлашган Араб Амирликлари вице-президенти, Дубай амири Муҳаммад ибн Рошид ал-Мактумга ўз ҳаётини сақлаб қолганлиги учун миннатдорчилик билдирди, деб хабар қилади Дарё нашри.

Қизалоқ тўрт турдаги юрак парокининг битта одамда учраши натижасида юзага келган камёб касаллик билан туғилган. Maxина беш ёшга тўлганида Муҳаммад бин Рошид ал-Мактумнинг Global Initiatives (MBRGI) хайрия фонди унинг учун юқори малакали шифокорларни топиб, 2017 йилнинг октябрида қиммат турувчи операциясини ўз ҳисобидан ўтказиб берган. Мураккаб операция саккиз соат давом этган.

Орадан деярли икки йил ўтгач, Maxина фонднинг ҳар йили ўтказиладиган ҳисобот йиғилишига келиб, амирга ўз миннатдорчилигини билдирди.

«Мен шайх Муҳаммад ва менга ёрдам кўрсатган фондга миннатдорчилик билдирмоқчиман. Ҳозирда ўзимни яхши ҳис қиляпман ва жуда бахтлиман», — дейди қизалоқ.

.@HHShkMohd meets Mahina Ghaniva, a Tajikistani girl, and one of the 70 million people in 86 countries who have benefited from @MBRInitiatives. Mahina underwent a successful 8-hour surgery to treat her heart defects. #Dubai #UAE pic.twitter.com/pDARzWljVu
— Dubai Media Office (@DXBMediaOffice) May 29, 2019

Бугунги кунга келиб MBRGI фонди дунёнинг 86 мамлакатидан 70 миллионга яқин одамга ёрдам кўрсатиб улгурган.

«Мен ўзини инсоният учун хизмат қилишга бағишлаган жамоамга раҳмат айтмоқчиман. Мен улар билан ҳамда уларнинг гуманитар ишларда эришган ютуқлари билан фахрланаман», — дейди шайх тадбир давомида.

Янгиликлар