Фото: РИА "Новости"
Арманистон бош вазири Никол Пашинянга суиқасд қилишга уринишган. Бу ҳақда мамлакат хавфсизлик хизмати сайтида хабар берилди.
Ташкилот сайтида ёзилишича, Арманистон бош вазири Никол Пашиняннинг сиёсий рақиблари унга қарши суиқасд уюштирган ва мамлакат МХХ ўтказган тезкор тадбир давомида теракт бартараф этилган. А.М. исмли шахс ҳукуматга қарши ишларни амалга ошириш мақсадида ўз уйида қуроллар, ўқдори ва бошқа турли хил портловчи моддалар сақлаб келган.
«Амалдаги ҳукуматга қарши бўлган сиёсатчилар билан келишган бу одам бош вазирни лавозимидан уни ўлдириш орқали маҳрум қилишга уринган», дейилади Арманистон МХХ баёнотида.
Олдинроқ Арманистон МХХ собиқ раҳбари, «Родина» партияси етакчиси Артур Ванецян ҳам айнан Никол Пашинянга суиқасд уюштиришда ёрдам бериш айблови билан қўлга олинганди. Ундан ташқари собиқ депутат Ваграм Багдасарян, Арманистон революцион федерацияси аъзоси А.А. ва Сисиан кўнгилли отряди командири А.М. ҳам қўлга олинган.
Арманистон МХХнинг маълумотига кўра, қўлга олинганларнинг уйидан пулемёт, гранатамёт, снайпер милтиғи, катта миқдорда ўқдори, детонатор ва турли хил портловчилар топилган.
Маълумот учун, Никол Пашинян Тоғли Қорабоғдаги жангда Арманистон таслим бўлганини эълон қилгач, мамлакатда унинг истеъфосини талаб қилиб ўтказилаётган намойишлар тўхтамаяпти.
Никол Пашинян 9 ноябрь куни жонли эфирда арманистонликларга мурожаат қилиб, Арманистон учун таслим бўлишга қарор қилганини маълум қилганди: «Мен барча шаҳидларимиз олдида тиз чўкаман. Ватанини жони билан ҳимоя қилган ва қилаётган барча аскарларимиз, зобитларимиз, генералларимиз, кўнгиллиларимиз қаршисида бош эгаман. Биз охиригача курашдик», деганди Пашинян. Арманистон Тоғли Қорабоғдаги йирик шаҳар Шуша бой берилгандан кейин урушда таслим бўлганини тан олганди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Самарқандда ЙПХ ходими ҳайдовчидан пора сўради: “Уч кишига тушлик олиб келинг”
Собиқ "Навбаҳор" мураббийи ўзбек ва қозоқ футболадиги фарқ ҳақида гапирди
Яна икки хорижий компания Ўзбекистонда пуллик автомобил йўли қуришга қизиқяпти
Русланбек Жиянов: "Япония терма жамоаси билан икки йил аввал ҳам тўқнаш келганмиз"
Тбилисидаги намойишлар: полиция қалампир газидан фойдаланди
Кулеба Россия қачон музокараларда иштирок этиши мумкинлиги ҳақида гапирди
Хоразмда Эрон корхоналари учун алоҳида саноат зонаси ташкил этиляпти