15:18 / 22.01.2021
2 344

Америкалик эркак 75 минг доллар эвазига оёқларини узайтирди

Америкалик эркак 75 минг доллар эвазига оёқларини узайтирди
Фото: Daily Mail
Техас штатининг Даллас шаҳрида истиқомат қилувчи Альфонсо Флорес бўйини ўстириб, худди баскетболчиларга ўхшаш борасидаги орзусини амалга ошириш учун 75 минг долларга оёқларини операция қилдирди, деб хабар беради «Korrespondent.net».

Таъкидланишича, 28 ёшли эркак ўсмирлигидаёқ бўйи баланд бўлишини истаган. 2020 йилда у жарроҳ-ортопед Кевин Дебипаршад раҳбарлигидаги Лас-Вегасда жойлашган клиникаларнинг бирида қиммат турувчи операцияни ўтказишга қарор қилган.

Доктор Дебипаршаднинг сўзларига кўра, тос сонини узайтириш бўйича LimbplastX соатбай косметик жараёни минимал даражада инвазив ҳисобланади — жарроҳлар бемор оёғида тўрттадан олтитагача кесишларни амалга оширади.

Фото: Daily Mail
Сон суяги бўшлиғига бемор масофадан туриб бошқариш пульти ёрдамида бошқара оладиган суперзамонавий имплант жойлаштирилади. Секин-аста узайиб, қурилма суякни чўзади.

Алфонсо жарроҳлик амалиётидан бир соат ўтиб, юра бошлаган ва унинг тан олишича, операция кутганидек оғриқли бўлиб чиқмаган.

Фото: Daily Mail
Натижада эркакнинг бўйи беш сантиметрга ошиб, 185 сантиметрга етган.

«180 сантиметр яхши бўй эканлигини биламан ва кўплаб инсонлар шунга ҳам хурсанд бўлади, аммо мен баландроқ бўлишни хоҳладим», — дейди америкалик.

У ўзи ҳавас қилган инсонлар орасида баскетболчилар Майкл Жордан, Фил Жексон, Коби Брайант ва отаси борлигини санаб ўтган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Америкалик эркак 75 минг доллар эвазига оёқларини узайтирди