10:30 / 06.05.2021
1 121

Лукашенко оммавий равишда Белорус куч ишлатар тизимлари хизматчиларини унвонларидан маҳрум қилди

Лукашенко оммавий равишда Белорус куч ишлатар тизимлари хизматчиларини унвонларидан маҳрум қилди

Белорус президенти Александр Лукашенко ички ишлар идораларининг собиқ ходимлари ва ҳарбий хизматчиларини ҳарбий ва махсус унвонлардан оммавий равишда маҳрум қилди. У бу борадаги тегишли фармонни 4 май, сешанба куни имзолади, дея хабар бермоқда «БелТА» ахборот агентлиги.

Таъкидланишича, бу хавфсизлик хизматининг 80 дан ортиқ амалдорларига тегишли. Ҳужжат матнига кўра, улар мамлакатда ижтимоий-сиёсий вазиятнинг оғирлашиши давридаги «ҳаракатлари» учун унвонларидан маҳрум этилган.

«Айрим ҳарбий хизматчилар ва ҳуқуқни муҳофаза қилиш органлари ходимлари жамиятдаги норозилик кайфиятини қамчиладилар, рухсатсиз тадбирларни уюштирдилар ва қатнашдилар, Интернетда экстремистик материалларни жойлаштирдилар ва радикал чоралар кўришга чақирдилар», дейилади ҳужжат матнида.

Шунингдек, ушбу шахслар журналистлар, ҳуқуқни муҳофаза қилиш органлари ходимлари ва давлат хизматчиларининг шахсий маълумотларини ошкор этишда гумон қилинмоқда. Хавфсизлик хизматининг собиқ амалдорларининг айримларига қарши аллақачон жиноий ишлар қўзғатилган. «Бундай ҳаракатлар ҳарбий хизматчи ва хавфсизлик бўлими ходими мақомига мос келмайди», дейилади ҳужжатда.
Маълум қилинишича, бундай тадбир ташаббускорлари ҳуқуқни муҳофаза қилиш идоралари раҳбарлари бўлган.

Белорусда норозилик намойишлари 2020 йил 9 август куни бўлиб ўтган президентлик сайловларидан кейин давом этмоқда. Намойишлар хавфсизлик кучлари томонидан бостирилмоқда. Ўн минглаб одамлар ҳибсга олинган. Хавфсизлик ходимлари билан тўқнашувларда тўрт киши ҳалок бўлди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Лукашенко оммавий равишда Белорус куч ишлатар тизимлари хизматчиларини унвонларидан маҳрум қилди