11:02 / 03.09.2021
2 467

«Ида» тўфони туфайли Нью-Йоркда рекорд миқдорда ёғингарчилик ёғди. Метро сув остида қолди (фото, видео)

«Ида» тўфони туфайли Нью-Йоркда рекорд миқдорда ёғингарчилик ёғди. Метро сув остида қолди (фото, видео)
Скриншот: Instagram
Бир неча кун давомида Луизиана штатига ёпирилиб, унга зарар етказган «Ида» довули сентябрь бошида Нью-Йоркка етиб келди, деб ёзади Meduza.

Шаҳарда бир неча соат ичида рекорд миқдорда ёғингарчилик ёғиб, кўчалар ва ҳатто метро бекатлари сув остида қолди. Фавқулодда вазиятлар хизмати ходимлари автомобилларда қамалиб қолган одамларни қутқаришига тўғри келди. Шаҳар ташқарисига қатнайдиган поездлар ҳаракати тўхтатилди.

Скриншот: Instagram
Нью-Йорк мэри Билл де Блазио шаҳарда «тарихий табиий ҳодиса» туфайли фавқулодда вазият режимини эълон қилди. Шошилинч хизматлар машиналаридан бошқа барча автомобилларнинг эрталабки 05:00 гача кўчага чиқиши тақиқланди, аҳолидан уйдан чиқмаслик қатъий сўралмоқда.

Скриншот: Instagram
Сўнгги маълумотларга кўра, Нью-Йоркда сув тошқини оқибатида камида саккиз киши ҳалок бўлган. «Ида» довулидан қўшни штатлар ҳам зарар кўрди. Нью-Жерси шаҳридаги энг йирик аэропорт — Ньюарк сув босган терминал туфайли ўз фаолиятини вақтинчалик тўхтатди, Пенсильванияда эса қутқарувчилар тошқин остида қолган мактаб автобусидан 41 кишини эвакуация қилди.

Фото: EPA

Фото: EPA

Фото: EPA

Фото: EPA

Фото: EPA

Фото: EPA

Фото: EPA

Фото: EPA


arenda kvartira tashkent
Ctrl
Enter
Хато топдИнгизми
Иборани ажратиб Ctrl+Enter тугмасини босинг