Фото: RUSSIAN MOD/TASS
Жанубий ҳарбий округ бўлинмалари Қрим яриморолидаги полигонда ўтказилган тактик ўқув машғулотларини якунлаб, ҳудудни тарк этган. Бу ҳақда мудофаа вазирлигидаги манбага асосланиб, «Интерфакс» хабар берди.
Ҳарбий хизматчилар ва ҳарбий техника, жумладан пиёдаларнинг жанговар машиналари ва артиллерия қурилмалари темир йўл орқали доимий жойлашув пунктларига қайтарилмоқда. Ҳарбийлар маълумотига кўра, аскарлар Қрим кўприги орқали Керч бўғозидан ўтиб бўлишган.
Машғулотлар якунланишидан олдин «Ураган» ва «Град» баравар ўт очиш реактив тизимлари Керчдан 40 километр масофадаги Опук полигонида жанговар ўт очган. Вазирлик машғулотлар видеосини эълон қилган.
15 февраль куни мудофаа вазирлиги Ғарбий ва Жанубий ҳарбий округлар машғулотлардан кейин ҳарбий гарнизонларга қайтишга ҳозирлик кўраётганини маълум қилганди. Вазирлик қайси ҳудудлардаги ҳарбийлар ортга қайтарилишига аниқлик киритмаганди. Қайд этилишича, бошқа ҳарбий округлар, флотлар ва ҳарбий-ҳаво кучлари бўлинмалари машғулотларни давом эттиради.
Conflict Intelligence Team (CIT) суриштирув гуруҳи 13 февраль куни кечқурун ҳолатига кўра Қора денгизда 11та катта десант кемаларидан иборат гуруҳ тургани ҳақида хабар берганди. Бундан ташқари, Қора денгиз ва Ўрта Ер денгизида учта крейсердан иборат зарбдор гуруҳ турганини маълум қилганди.
CIT суриштирув гуруҳи асосчиси Руслан Левиев 6 февраль куни «Дождь» телеканалига берган интервьюсида Қримдаги Опук полигонида «қодировчилар»ни — Россия гвардияси таркибига кирувчи ва доимий манзили Грознийда бўлган «Север» полкини пайқагани ҳақида айтганди. Ҳозирча бу бўлинма ҳам Грознийга қайтгани ҳақида маълумот йўқ.
Ғарб давлатлари маълумотларига кўра, Россия Украина чегараси яқинига 100 мингдан 150 минггача борувчи ҳарбийларини олиб келган. Россия буни ҳарбий машғулотлар билан изоҳлаган, Ғарб давлатлари эса Украинага босқин бўлиши мумкинлигидан хавфсирамоқда. Россия ҳукумати ҳеч кимга ҳужум қилмоқчи эмаслигини айтиб келади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Эрдўғон Туркия Исроил билан алоқаларини узганини маълум қилди
Боррел ЕИнинг Исроил билан мулоқотини тўхтатишни таклиф қилди
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Ўзбекистонлик MMAчилар жаҳон чемпионатида биринчи ўринни эгаллашди
