Оддий юриш вақтида кўпроқ калория сарфлаш учун 5 та лайфхак

^{Фото: Pinterest}
Юриш — вазн йўқотишнинг энг осон ва самарали усули. Исталган жойда ва вақтда машқ қилиш ва буни мустақил равишда амалга ошириш мумкин. Бундан ташқари, юриш спорт билан шуғулланишнинг қулай усули ҳисобланади: айниқса ортиқча вазнга ёки оғир операцияни бошдан кечирганлар учун бу енгил ҳамда самаралидир. «Новий очаг» нашри оддий юриш орқали кўпроқ вазн камайтириш учун лайфхаклар билан бўлишди.

Юриш орқали қанча калория сарфлаш мумкин?
Якуний кўрсаткич вазнга боғлиқ, шунингдек, текис ер ёки қияликда юрганликнинг ҳам аҳамияти катта. Аммо ўртача 100 калория учун тахминан 1,5 километр юриш керак.

Юриш пайтида калорияларни қандай қилиб кўпроқ калория сарфлаш мумкин?
Тез ва самарали вазн йўқотиш учун қандай юриш керак? Яхши хабар шундаки, бу машғулот тартибини бироз ўзгартириш кифоя. Қуйида тақдим этилган бир неча оддий ўзгаришлар юриш пайтида вазнни янада фаол равишда камайтиришга ёрдам беради.

Доимий тезлашиш
Агар бир уринишда 10 минг қадам юрилса, тахминан 350-400 калория йўқотилади. Аммо вақти-вақти билан юриш тезлигини ошириб борилса ва максимал тезликда юрилса, тахминан бир ярим ёки ҳатто икки баравар кўп калория сарфланади. Бундан ташқари, ушбу машқлар юрак-қон томир тизимининг ҳолатига ва қонда шакар даражасига ижобий таъсир кўрсатади.

Қўлларни ишлатиш
Жисмоний машқлар пайтида қанча мушаклар ишлатилса, организмга шунча кўп энергия керак бўлади — бу орқали кўпроқ калория сарфланади. Қўлларни оёқлар билан уйғунликда ҳаракатлантиришга ва елка мушакларини ишлатишга одатланиш жуда фойдали.

Прессни амалга ошириш
Юриш пайтида нафақат оёқ мушаклари, балки қорин мушаклари ҳам ишлаши керак. Бел текис бўлиши, ошқозон ва қорин бўшлиғи тортилиши — бу умуртқа поғонасини қўллаб-қувватлаш, қорин мушакларини машқ қилиш ва, албатта, калорияларни сарфлаш учун фойдалидир.

Тўғри нафас олиш
Қайси спорт билан шуғулланишдан қатъи назар, тўғри нафас олиш энг муҳим нарсадир. Юриш ҳам бундан мустасно эмас. Бурундан ритмик нафас олишга ҳаракат қилиш, ҳар икки ёки уч қадамда нафас олиш ва ҳар уч ёки тўрт қадамда нафас чиқариш лозим. Нафас олиш чуқур, кўкрак-қорин билан бўлиши керак.

Тошлардан фойдаланиш
Дарҳол эмас, албатта, етарлича жисмоний тайёргарликка эришгач буни амалга оширишга ҳаракат қилиш мумкин. Ёдингизда бўлсин, оғирлик қанча кўп бўлса, ҳар бир босиб ўтилган километрга шунча калория сарфланади.

Пулсни кузатиш
Энг яхши натижага эришиш ва саломатликка зарар бермаслик учун юрак уриш тезлигини максимал даражадан 60-70 фоиз пастроқ тутиш тавсия этилади. “Замин” янгиликларини “Telegram”да кузатиб боринг