Яширин калориялар кўпинча биз паст калорияли ва фойдали деб ҳисоблаган озиқ-овқатларда яширинган. Келинг, вазн йўқотишга халақит берадиган ва “бузғунчи” ишларини сезмайдиган энг кенг тарқалган маҳсулотлар тоифаларини ажратиб оламиз. Айрим маҳсулотлар ўйлаганимиздек фойдали эмас ва уларни нималар билан алмаштириш мумкин?
Мевалар
Мева энг оддий ва энг фойдали газаклардан бири ҳисобланади, лекин ҳақиқатан ҳам шундайми? Протеинлар, ёғлар ва углеводлар мувозанатини сақлаш муҳимдир. Мевалар таркибига турли хил органик ва ноорганик моддалар — сув, минераллар, органик кислоталар ва антиоксидантлар киради. Шуниси эътиборга лойиқки, мевалар биринчи навбатда шакарга асосланган углеводлар манбаи ҳисобланади.
Агар вазнингизни кузатаётган бўлсангиз, яшил олма, грейфрут, помело, олча, олхўри ёки тарвузни танланг. Энг кўп витамин олиш учун мавсумий меваларни сотиб олишга ҳаракат қилинг.
Кофе дўконларидаги ичимликлар
Қаймоқли музли латте ёки муз
қаймоқ ва карамелли қаҳва — иссиқ ёз оқшомида нима оромбахш бўлиши мумкин? Бир стаканда 400 ккал ва 40 грамм углеводлар мувозанатли овқатланиш учун энг яхши вариант эмас. Ёғли қаймоқ, ширин сироплар ва қўшимчалар ичимликларни шакар “бомба”сига айлантиради.
Қаҳванинг ўзи бир томондан олиб қаралса, олма ва клюквадан кўра кўпроқ антиоксидантларни ўз ичига олади, лекин айни пайтда у кучли психостимулятор бўлиб, ўзига қарам қилиб, асаб тизимини сусайтиради.
Қаҳвахоналарда ичимликларни танлаётганда қўшимчалардан фойдаланмайдиганларини танланг ёки баристадан шакарсиз кофе тайёрлашни сўранг.
Шакар ва қўшимчаларсиз калориялар:
- 70 ккалгача: эспрессо, макчиато, американо, фраппе;
- тахминан 100 ккал: каппучино ва латте.
Матча-латтега эътибор қаратинг: ичимлик қаҳва каби тетиклантиради ва кўп миқдорда антиоксидантларни ўз ичига олади. Матча чойи жигарни тозалашга ва организмдаги метаболик жараёнларни фаоллаштиришга ёрдам беради. Асосийси, унинг таъмини хуш кўриб, истеъмол қилиш.
Йогуртлар
Бир қадоқ идеал қомат энг зўр танлов ва ноёб афзалликлар манбаи — ишлаб чиқарувчилар ўз маҳсулотларига харидорлар эътиборини шу тарзда жалб қилишади, лекин аслида ҳамма нарса бошқача. Йогуртнинг фойдали хусусиятлари ҳақидаги кўплаб шиорлар ниҳоятда муболаға қилинади.
Меваларнинг ёрқин суратлари ва организм учун фойдалари ҳақида баландпарвоз гаплар, шубҳасиз, эътиборни жалб қилади, лекин сотиб олишдан олдин ҳар бир йогуртнинг таркибини ўрганишни унутманг.
Ёрлиқда нимани излаш керак? Э1442, Э407 ва Э415 стабилизаторлар бўлиб, улар йогуртларга қуюқ масса бериш учун қўшилади. Ушбу қўшимчалар хавфсиз бўлишига қарамай, ҳеч қандай фойда келтирмайди. Бундан ташқари, уларнинг қўшилиши маҳсулотнинг калория миқдорини оширади.
Ширин йогуртларда ўртача 3-4 ош қошиқ шакар мавжуд, шунинг учун қўшимчаларсиз табиий маҳсулотни танланг.
Шарбатлар
Сабзавот ёки мевалардан олинган бир стакан шарбатда кўп миқдорда витаминлар ва минераллар мавжуд бўлиб, улар организмга бир зумда сўрилади. Кўпчилик нонуштани шарбат билан тўлдиришни яхши кўради, лекин бу ҳақиқатан ҳам фойдалими? Бир стакан янги апелсин шарбатида витаминлар билан бирга яхши кайфиятнинг бир салбий томони бор — юқори шакар миқдори.
Қанча шарбат ичиш мумкинлигини аниқлаш жуда оддий: ҳозир қанча мева ейишга тайёр эканлигингизни тасаввур қилинг. Ишончимиз комилки, 1-2 дона апелсиндан кўпини ея олмайсиз ва бир стакан учун 3-4 дона мева керак бўлади. Энг яхши вариантни синаб кўринг — шарбатни 1: 1 нисбатда сув билан аралаштиринг.
Мюсли
Мюссли бутун оила учун мукаммал нонушта вариантидир, уни тайёрлаш жуда осон ва тездир. Энг муҳими, композицияни ўрганиш. Муйссли — Э ва Б витаминлари, калсий, калий, магний, темирнинг ажойиб манбаи, лекин айни пайтда жуда юқори калория маҳсулотидир — 100 грамм мюсслида 350-450 ккал мавжуд.
Энг яхши таркиб — бу озуқавий моддалар, янги ва қуритилган мевалар ва ёнғоқларнинг юқори миқдори бўлган бутун донли донлардир.
Соуслар
Ҳеч кимга сир эмаски, соус ҳар қандай таомни ажойиб таъми билан тўлдиради ва унинг мазасини очиб беради. Деярли ҳар куни таомларнинг ҳеч бўлмаганда биттасида ушбу таркибий қисм мавжуд бўлиб, уларсиз, масалан, Сезар салатини ҳамма ҳам ея олмайди.
Кўпгина соуслар таркибида бўёқлар, консервантлар, таъм кучайтиргичлар ва стабилизаторлар мавжуд бўлиб, улар ишлаб чиқариш ва сақлаш учун зарур бўлса-да, одатда ҳеч қандай фойда келтирмайди. Аксинча, ошқозон-ичак трактининг ишига салбий таъсир кўрсатиши мумкин. Аччиқ соусларни мунтазам равишда ишлатиш ошқозон-ичак тракти шиллиқ қаватининг шикастланишига олиб келади. Соусда мавжуд бўлган шакар ҳам вазнга, терига ва умуман бутун организмга ўз таъсирини кўрсатмай қолмайди.
Таркибда табиий ингредиентлар устун бўлиши муҳим, шакар эса паст бўлсин. Шишдан азият чекадиганлар натрий нитритли овқатлардан воз кечишлари керак: у танадаги намликни сақлаб туради.
Соусни ўзингиз тайёрлашга ҳаракат қилинг: табиий массани бир чимдим туз ва қалампир, арпабодиён ва саримсоқ билан аралаштиринг. Бундай қўшимча ҳар қандай гўшт билан яхши кетади.
Фитнес батончиклари
Энергия берувчи батончиклар ҳар ерга ўзингиз билан олиб кетишингиз ва керакли вақтда очликни қондиришингиз мумкин бўлган соғлом газак ҳисобланади. Кўпинча биз ўзимизни битта батончик билан чеклай олмаймиз ва яна кунлик калория миқдоридан ошиб кетишга қадам қўямиз.
Углеводларнинг юқори миқдори туфайли энергия батончиклари организмга қувват беради. Аммо агар сиз сутли шоколадли батончик билан оддий батончикнинг таркибини солиштирсангиз, унда какао мавжудлигидан ташқари, деярли фарқни сезмайсиз. Қадоқлашда ҳар доим ҳам ҳақиқий кўрсатилмаган шакар, ёғлар ва углеводларнинг кўплиги туфайли газак мутлақо фойдасиз ва юқори калорияли озуқага айланиши ҳеч гап эмас.
Рад этолмаслик ҳолатларининг олдини олиш учун сиз ушбу рецепт бўйича батончикларни ўзингиз тайёрлашга уриниб кўришингиз мумкин: 100 грамм овсянка уни, 30 грамм майиз, 1 дона майдаланган олма, 50 грамм ёнғоққа таъбга қараб 1/2 банан ва севимли қўшимчаларингизни аралаштиринг. Тайёр массани печда 180 даража ҳароратда 30 дақиқа давомида пишириб олинг.
“Замин” янгиликларини “Инстаграм”да кузатиб боринг
