Тўйхонадаги “Ўргимчак-одам” чиқиши интернетда кенг тарқалди

Ижтимоий тармоқларда Ўзбекистондаги тўйлардан бирида тасвирга олинган ноодатий чиқиш акс этган видео кенг тарқалмоқда.

Видеода “Ўргимчак-одам” (Spider-Man) қаҳрамони либосидаги шахс кичик велосипедда тўйхона залига кириб келгани кўринади. У меҳмонлар қаршисида велосипедда ҳаракатланиб, турли рақс ва шоу элементларини намойиш этган.

Кутилмаган чиқиш тўйга ташриф буюрган меҳмонларнинг эътиборини тортган. Айримлар телефонларини олиб, ноодатий шоуни видеога олишга тушган.

Мазкур лавҳа қисқа вақт ичида ижтимоий тармоқларда тарқалиб, фойдаланувчилар орасида турли фикрлар уйғотди. Баъзилар бундай чиқишни тўй дастурига ўзига хослик қўшадиган қизиқарли шоу сифатида баҳолаган бўлса, бошқалар эса бундай ноодатий томошалар тўйларда янги трендга айланаётганини таъкидлаган.