Сурхондарё вилоятининг Денов туманида зарядланаётган электромобиль ёниб кетди. Ҳодиса 26 май куни “Боғишамол” маҳалласи ҳудудида содир бўлгани маълум қилинмоқда.
Surxondaryo viloyati Favqulodda vaziyatlar boshqarmasi хабарига кўра, соат 16:22 да 112 тизими орқали фуқарога тегишли Leapmotor C11 русумли электромобиль электр қувватлаш шохобчасида турган вақтда тўсатдан ёнгани ҳақида хабар келиб тушган.
Шундан сўнг ҳодиса жойига қутқарувчилар зудлик билан етиб борган. Икки экипаж иштирокида ёнғин қисқа вақт ичида қуршаб олиниб, тўлиқ бартараф этилган.
Дастлабки маълумотларга кўра, ҳодиса оқибатида ҳеч ким тан жароҳати олмаган. Ҳозирда ёнғиннинг келиб чиқиш сабаби ҳамда етказилган моддий зарар миқдори ўрганилмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
